Ĕнер, раштавăн 27-мĕшĕнче, чăваш халăхĕн хастар ывăлĕсенчен пĕри, Волков Геннадий Никандрович (Кашкăр Хуначи), çут тĕнчерен уйрăлса кайнă.
Педагогика ăслăлăхĕсен тухтăрĕ, профессор (1968), çыравçă, Чăваш Республикин тава тивĕçлĕ учителĕ, Чăваш Республикин хисеплĕ гражданинĕ 1927 çулхи юпан 31-мĕшĕнче Елчĕк районĕнчи Аслă Елчĕкре çуралнă.
1949 çулта Чăваш педагогика институчĕн физикăпа математика факультетне, 1952 çулта Хусанти педагогика институчĕн аспирантурине вĕренсе пĕтернĕ.
1952-1972 çулсенче Чăваш педагогика институчĕнче аслă преподаватель пулса, педагогика кафедрин доценчĕ, проректор вырăнĕсенче ĕçленĕ. 1972-1993 çулсенче Раççей Федерациĕн çут-ĕç министерствин наци шкулĕсен НИИ секциĕн заведующиĕ пулнă. 1972-1982 çулсенче Эрфуртри аслă педагогика шкулĕнче ĕçленĕ.
500 ытла ăслăлăх ĕçĕ çырнă, вĕсен шутĕнче 27 монографи. Халăх педагогикине тĕпчесе аталантарнисĕр пуçне вăл хайлавсем çырассипе те, ытти авторсен ĕçĕсене куçарассипе те, халăх пултарулăхне пухассипе те паллă пулнă. Константин Иванов, Иван Яковлев, Çеçпĕл ... Малалла вула »