ЧР Министрсен Кабинечĕн ĕнерхи ларăвĕнче чăваш наци радио вырăнне «Чăваш Ен наци телерадиокомпани» автономи учрежденийĕ туса хурас ыйтăва пăхса тухнă. Çакăн çинчен республикăн культура министрĕ Роза Лизакова каласа пачĕ.
- Ерипен малалла утатпăр, - терĕ Роза Михайловна. - Кăçал Наци радиовĕ çумĕнче телеушкăн туса хунăччĕ. Ман шухăшăмпа - вăл аван ĕçлесе пычĕ. Республикăри тĕп хыпарсене cap.ru порталта пăхма май пурччĕ. Халĕ вара наци телекуравне йĕркелеме йышăнатпăр. 2011 çулта кабель телекуравĕнче тулли телехыпарлав пулмалла.
Паллах, йĕркелÿ ыйтăвĕсене татса пама вăхăт кирлĕ. Директор пуканне йышăнма та конкурс ирттермелле вĕт. Çурт ыйтăвне татса панă ĕнтĕ. Пĕр 4 уйăх иртет-тĕр. Ака уйăхĕн 1-мĕшĕнчен хыпарлав эфира тухасса шанатпăр.
Чи пысăк пĕлтерĕшли - çывăх вăхăтра республика, Атăлçи округĕн территорийĕнче федерацин цифра телерадиохыпарлавне ĕçе кĕртмелли программи пурнăçланма пуçлать. Цифра мультипликсĕн 9-мĕш каналне регионсен телеканалĕсене вырнаçтарма параççĕ. Чăн та, çак майпа усă курас тесен тăрăшма тивет - конкурс витĕр тухмалла. Ку енĕпе халĕ çине тăрса ĕçлетпĕр. Республика территорине 100 проценчĕпех «хупăрлакан» телекурав пулмалла. Малтан ... Малалла вула »