Плиссе юбкăсемпе кĕпесем ку çулла çав тери модăра пулчĕç. Хĕрсемпе хĕрарăмсем ăна тивĕçлипе хакланине кура дизайнерсем çак темăна кĕркунне те тăсма шутланă. Костюмсен юбкисем пĕтĕмпех пĕрĕмлĕ е арки кăна. Арçыннăнни евĕрлĕ кĕлеткеллĕ хĕрарăмсемшĕн плиссе чăн-чăн çăлăнăç. Вăл вĕсен хĕрарăмлăхне уçса кăтартать, çепĕçрех те илĕртӳллĕрех тăвать. Çӳллĕшĕпе пĕчĕккисене вара плиссе юбка е кĕпе яштакарах, урасене вăрăмрах тăвать. Груша евĕрлĕ кĕлеткеллисен ку тума тăхăнма тăхтамалла, мĕншĕн тесен пĕрĕмлĕ япалапа вĕсем тата та сарлакарах курăнаççĕ. 
Çулла вĕçленнĕ май ирлĕ-каçлă çанталăк та сулхăнланса пырать. Ку чухне хĕрсен гардеробĕнче чи кирлĕ тумтирсенчен пĕри – кардиган. Ăна шăлаварпа та, юбкăпа та, кĕпепе те, джинспа та тăхăнма пулать. Чи лайăххи – хура тĕсли, мĕншĕн тесен ăна кашни тĕспе килтерме пулать. 
Çулла тумтирпе аксессуарсем çăмăлттайрах пулни те вырăнлă-тăк, кĕр енне эпир сапăрлăх патне туртăнма пуçлатпăр. Сумка пирки сăмах хускатас пулсан, модăна каллех хытă формăллисем кĕрсе пыраççĕ. Кĕркунне лăпкăрах тĕслĕ аксессуарсем суйламалла, пляж сумкисем ку вăхăтра кулăшла курăнаççĕ. 
Легенсы юратакансене савăнтаратăп, вĕсем çавăн пекех модăра. Анчах ... Малалла вула »

Раççейре çулталăкра çын пуçне 18 литр эрех ĕçĕнет. Тухтăрсем каланă тăрăх, çулталăкне 8 литр ĕçни те наци сывлăхне хурушлăх кӳрет. Çавăнпа та Раççей Правительствин тĕп тĕллевĕ – ĕçекенсен шутне чакарассипе сахалрах ĕçтересси, 2012 çул тĕлне çын пуçне 14 литра хăварасси.
Врач-наркологсем каланă тăрăх, алкоголь юна тестостерон кăларать. Вара арçын гормонĕ арçынсене те, хĕрарăмсене те агрессивлă тыткалаттарать. Вырăссем каларăшле, урă çыннăн пуçĕнче мĕн пурри, ӳсĕррин чĕлхи çинче.
– Тен, сирĕн «йӳçĕ шĕвек» ĕçнĕ хыççăн кăмăл çĕкленет? Хаваспах пирĕн пата консультацие кĕтетпĕр, – тет врач-нарколог Степан Криницкий. – Енчен те уява савăнăçлăрах тумашкăн эрех кирлĕ тата çук çĕртен уявĕ те тупăнсах тăрать пулсан, ку алкоголизмăн пĕрремĕш стадийĕ. Урăхла каласан, эрех хăйне пăхăнтарать. Организм та хăнăхать. Ирхине тăрсан пуç та ыратмасть, хăстармасть те.
Ĕçнĕ çыннăн пуç миминче шухăш питĕ кĕске çулпа пырать. Вăл малалла мĕн пуласси çинчен шутламасăр кăна иртсе каять. Анчах та, тĕслĕхрен, водителĕн урăлсан ӳсĕрле ру ... Малалла вула »

Сентябрĕн 1-мĕшĕнче 7.44-ран пуçласа сентябрĕн 3-мĕшĕнче 19.59-ччен. Çĕр улми кăлармалла. Ытти тухăçсемпе вăрлăхсем пуçтарма юрать. Ӳсен-тăрансене чир-чĕрсенчен имçампа сапмалла.
Сентябрĕн 3-мĕшĕнче 19.59-тан пуçласа сентябрĕн 6-мĕшĕнче 6.15-ччен. Тулли уйăх. Вăрлăхсем пуçтармалла тата хĕлле валли салатсем пĕçермелле.
Сентябрĕн 6-мĕшĕнче 6.15-рен пуçласа сентябрĕн 8-мĕшĕнче 14.19-ччен. Тымар-çимĕçсене кăлармалла. Кăларнă сухансене майласа хумалла. Ыхрапа сухан лартсан та пăсмасть. Ӳсен-тăрансене чир-чĕрсенчен имçампа сапмалла. Гладиолус, георгин, бегони тымарĕсемпе суханĕсене кăларсан аван пулать.
Сентябрĕн 8-мĕшĕнче 14.19-тан пуçласан сентябрĕн 10-мĕшĕнче 20.8-ччен. Тухăç пуçтарса илмелле. Сухан, петрушка, кăшкар ути акмалла тата улма-çырла хунавĕсене лартмалла. Çаплах нумай çул ӳсекен вак сухан-тымарлă чечексене лартсан аван.
Сентябрĕн 10-мĕшĕнче 20.18-тан пуçласа сентябрĕн 13-мĕшĕнче 00.21-ччен. Тухăç пуçтармалла. Укроп акмалла. Викторисене пăхса тухмалла, чирлисене тата ватăлнисене улăштармалла. Йывăçсен кивĕ е хăрнă турачĕсене кассан лайăх. Çаплах йывăç вуллисене хырса тасатмалла. Унта сăтăрçăсем хĕл каçмашкăн пытанса юлма пултараççĕ.
Сентяб ... Малалла вула »