Çынсем пурте тĕрлĕ: хăшĕ шухăшлама юратать‚ тепри çынпа хутшăнма уйрăмах кăмăллать‚ виççĕмĕшĕ тавралăха тата пурнăçа улăштарасси çине ытларах тимлĕх уйăрать.
Çынсене ăсчахсем виçĕ ушкăна пайлаççĕ.
“Шухăшлавçă” (мыслитель) ытларах пурнăç çинчен шухăшлать‚ искусствăпа‚ наукăпа‚ политикăпа‚ техникăпа кăсăкланать. Ăс-тăна ĕçлеттерекен ыйтусем çине хуравсем шырать‚ фантазиллĕ туйăмсем те уншăн ют мар. Пуçĕ ялан ыйту-хуравпа тулнă çын сахал калаçать‚ йĕркелÿ ыйтăвĕсене татса параймасть‚ шухăша путса çÿрет. Ун пекки пирки: “Ку тĕнчерен мар вăл” тенине те илтме пулать. Чăннипе те‚ вĕсем шухăшласа кăларнă тĕнче эпир курма‚ йышăнма хăнăхнинчен чылай уйрăлса тăрать.
“Пуплешме юратакан” (собеседник) çынпа часах пĕр чĕлхе‚ пĕр тема тупма пултараать. Ăшă кăмăллă‚ пĕр шухăшлă çынсен хушшинче пулма юратать вăл. Шÿте тĕрĕс йышăнать‚ хăй те шÿт тума ăста.
“Ĕçлĕ çын” (практик) вĕçлемен ĕçсене тÿсме пултараймасть. Хăй умне çирĕп тĕллевсем лартать‚ вĕсене ниме пăхмасăр тухăçлă пурнăçлать‚ нумай шухăшласа ĕçе тăсса ямасть. Унăн кашни утăмĕ вырăнлă‚ ытлашши хуск
...
Малалла вула »
Чăваш Республикинче пĕтĕмĕшле пĕлÿ паракан 515 вăтам шкул. Вĕсенче 128 пине яхăн ача вĕренет. Халĕ кашнинчех вĕренÿ çулне хатĕрленеççĕ. Ачасене парта хушшине лартиччен шкулсен комисси тĕрĕслевĕ витĕр тухмалла, çавна май унти ĕçченсен самаях тăрăшма тивет. Кашни вĕренÿ заведенийĕнчех пушар тухнине асăрхаттаракан автоматика установкисем тата вутран сыхланмалли хатĕрсем пулмалла, кивелнĕ электропралуксене ылмаштармалла, партăсене, сĕтел-пукана сăрламалла, нухрачĕ çитсен çĕннине туянсан тата та аван, кашни класрах çутă, тирпей-илем хуçаланмалла, шкул тулашне те йĕркене кĕртмелле. Маларах асăннă ĕçсене туса ирттернисем çеç вĕренÿ çулне кĕтсе илме хатĕррисен шутне кĕреççĕ. 2009-2010 вĕренÿ çулĕнче Чăваш Республикин шкулĕсенчи пĕрремĕш классенче 13100 ача вĕренме пуçлĕ. Ку 2008-2009 вĕренÿ çулĕпе танлаштарсан 1400 ача ытларах. Пĕрремĕш класа каякансен шучĕ хулара кăна мар, ялта та ÿсет. Пĕтĕмпе республика шкулĕсенче вĕренекен ачасен шучĕ кăçал 126200 пулать. Иртнĕ вĕренÿ çулĕнче 9-мĕш класран 11673 ача, 11-мĕш класран 10041 ача вĕренсе тухнă.