Акан 24-мĕшĕнче, М.И.Скворцов хатĕрленĕ икĕ томлă Вырăсла-чăвашла сăмах кĕнекин хăтлавĕ иртрĕ. Чăваш чĕлхи кунне халалланăскер Чăваш Республикин Наци вулавăшĕнче кăнтăрла иртни 2 сехетре пуçланчĕ.
Савăнăçлă пухăва филологи ăслăлăхĕсен кандидачĕ, Чăваш патшалăх гуманитари ăслăлăхĕсен институчĕн сăмах кĕнеки, ярăмлă кăларăм тата электронлă энциклопеди пайĕн пуçлăхĕ Дегтяров Г.А. ертсе пычĕ, ĕçтешĕн сулмаклă утăмĕсем çинчен каларĕ, словарь тăвас ĕç йывăр пулнине палăртрĕ.
Пысăк залра лăк тулли халăх. Тухса калаçакансем хушшинче Михаил Ивановичпа пĕрле ĕçленĕ тус-юлташĕсем, тăванĕсем, вĕренекенĕсем пулчĕç. Вĕсем словарь ăстин паха енĕсене палăртса хăварчĕç, сăмах кĕнекине пахаларĕç. Чăваш Республикин Наци библиотекин директорĕ Лизакова Р.М. ăсчаха малалла та ăнăçлă ĕçлеме вăй-хал сунчĕ. Чăваш Республикин вĕрентӳ институтĕнчи чăваш чĕлхипе литература кафедрин доценчĕ Иванова Н.Г. «Вĕрентӳ системинчи чăваш чĕлхипе литератури кафедрин пĕлтерĕшĕ тата М.И. Скворцов профессор» темăпа анлă тухса калаçрĕ, хисеплĕ профессорăмăрăн вышкайсăр пысăк ĕçне хак пачĕ. Шупашкар районĕнчи Кăшавăшри вăтам шкул вĕрентекенĕ Майков Е.А. та хăйĕн сăмахĕнче Михаил Иванович словарь ăс ... Малалла вула »

Чăваш Республикин вĕренӳ тата çамрăксен политикин министерстви пĕлтернĕ тăрăх паянхи «Пĕтĕм чăваш диктанчĕ» акцие пурĕ 2300 çынна яхăн хутшăннă — шкул ачисемпе вĕсене пĕлӳ паракансем, студентсем, артистсем, журналистсем, пенсие тухнисем тата ыттисем. Çав шутра тӳре-шара та пур.
Диктанта Чăваш Республикин вĕренӳ тата çамрăксен политикин министрĕ Владимир Иванов та çырнă. Вăл акцие мухтанă, Чăваш чĕлхин кунĕ умĕн çавнашкал пысăк пĕлтерĕшлĕ мероприяти ирттерни питĕ аван пулнине палăртнă. Малашне çак пулăм республика тулашне те, вăл шутра чикĕ леш енне те сарăласса шанса каланă.
Чăваш халăх поэчĕ Юрий Сементер хатĕрленĕ текста И.Я. Яковлев ячĕллĕ Чăваш патшалăх педагогика университетĕнче тăван чĕлхе вĕрентекенĕсен хушшинче Раççей шайĕнче мала тухнă Муркаш районĕнчи Калайкасси шкулĕнче ăс паракан Александр Степанов вуланă. Çавăн пекех курăмлă майпа И.Н. Ульянов ячĕллĕ Чăваш патшалăх университетĕнче те çырнă. Курăмсăр майпа вара çынсем Чăваш наци радиовĕ урлă çырма пултарнă.

Çăлкуç: http://www.chuvash.org/news/2727.html