И.Н.Ульянов ячĕллĕ Чăваш патшалăх университечĕ, И.Я.Яковлев ячĕллĕ Чăваш патшалăх педагогика университечĕ тата Чăваш Республикин Вĕренÿ институчĕ «Хыпар» хаçатпа, Чăваш наци радиовĕпе пĕрле чăвашла çырма пĕлнине тĕрĕслес тĕллевпе пĕрремĕш хут «Пĕтĕм чăвашсен пĕрлĕхлĕ диктанчĕ» акци ирттереççĕ. Вăл 2013 çулхи ака уйăхĕн 24-мĕшĕнче чăвашсем пурăнакан мĕн пур хулапа ялта иртет.

Диктант И.Я.Яковлев ячĕллĕ Чăваш патшалăх педагогика университетĕнче 13.00 сехетре пуçланать. Хăйсем пурăнакан вырăнтах çырма кăмăл тăвакансем валли диктант текстне çав вăхăтрах Чăваш наци радиовĕпе вулаççĕ. Компьютерпа çырнă /наборланă/ е алăпа çырнă текста сканерпа кăларса диктанта вуласа пĕтернĕ хыççăн 10-15 минут хушшинче çак адреспа ярса памалла: chuv-total-dict@mail.ru.

Диктант çырас умĕн орфографи тата пунктуаци правилисене аса илес текенсем валли «Тĕрĕс çырма вĕренер» занятисем иртеççĕ:

- ака уйăхĕн 20-мĕшĕнче 11.00 сехетре И.Я.Яковлев ячĕллĕ Чăваш патшалăх педагогика университечĕн I корпусĕнчи /Шупашкар, Президент бульварĕ, 19а çурт/ 201-мĕш аудиторире*

- ака уйăх ... Малалла вула »

Акан 18-мĕшĕнче Чăваш халăх сайчĕпе «Хавал» пĕрлешӳ Чăвашла терминсем ăсталама хатĕрленĕ сайтăн хăтлавне ирттереççĕ! Эпир чăваш чĕлхипе тачă ĕçлекен пур çынна та йыхравлатпăр — ăсчахсене, студентсене, хаçатçăсене тата терминологипе кăсăкланакан ыттисене те. Хăтлав гуманитари институчĕн Ăслăлăх канашĕн пӳлĕмĕнче иртĕ. 
Çак кун маларах çав пӳлĕмрех Чăваш патшалăх гуманитари ăслăлăхĕсен институчĕ Чăваш чĕлхи кунне халалласа тăй те «Чăваш халăхĕпе чĕлхемĕре упраса хăварас тесен мĕн тумалла?» ятлă çавра сĕтел ирттерет. Вăл 10 сехетре пуçланĕ, вĕçленсен пирĕн хăтлав иртĕ.
Çавра сĕтелте çак ыйтусене сӳтсе явĕç: чăваш тĕнчи тата паянхи лару-тăру; чăваш чĕлхипе культури аталанăвĕн стратегийĕ; чăваш чĕлхине документлас ĕç; хальхи хаçат-журнал чĕлхи; чăваш чĕлхипе анлăрах усă курасси; чăвашла терминсем тăвас ĕç; электронлă кăларăмсем хатĕрлесси тата ытти те. 
Унсăр пуçне вăл кунах, апата каяс умĕн, «Хавал» пĕрлешӳ тăрăшнипе тухнă «Пин те пĕр сăмах» ӳкерчĕклĕ сăмах кĕнекин хăтлавĕ иртĕ — сирĕн ăна туянма, унпа тĕплĕнрех паллашма май пулĕ.

... Малалла вула »