Пирĕн республикăра, çав шутра Трак тăрăхĕнче те И.Я.Яковлев Аслă Вĕрентекенĕмĕре сума суса тата Чăваш чĕлхи кунне паллă туса чăваш чĕлхи эрни иртрĕ. Красноармейски пĕтĕмĕшле вăтам пĕлÿ паракан иккĕмĕш шкулта та чăваш чĕлхи эрни ăнăçлă иртсе кайрĕ. Ăна Чăваш патшалăх символики кунне, Чăваш Республикине туса хунăранпа 90 çул, Красноармейски (Трак ен) йĕркеленнĕренпе 75 çул, Аслă Аттелĕх вăрçинче Çĕнтерÿ тунăранпа 65 çул çитнине тата Вĕрентекен çулталăкне халалларĕç.
Чăваш чĕлхи эрнинче И.Я.Яковлев Аслă Вĕрентекенĕмĕре халалласа урок презентацисем иртрĕç. Кунсăр пуçне шкулта илемлĕ вулакансен конкурсне, сăвă çыракансен тупăшăвне, çемье гербне ÿкерес енĕпе ăста ачасен пултарулăх конкурсне, чăвашсен паллă поэтессипе Раиса Сарпипе тĕл пулу йĕркеленĕ.
Эрне чăваш сăмахлăхне, юрри-ташшине тата сăвви-кĕввине юратакан ачасен пултарулăх уявĕ-концерчĕпе вĕçленчĕ. Концерта чăваш чĕлхипе литератури тата тăван ен культури вĕрентекенсен творчествăлла ушкăнĕ (ертÿçи - Михайлов В.М.) йĕркелесе пычĕ.
Миçе çын пăхнă: 1317 | | Комментарисем (0)|
Хăш кун хушнă: 28.04.2010
| Рейтинг:
Красноармейски районĕнчи "Красноармейски иккĕмĕш шкулĕ" пĕтĕмĕшле пĕлÿ паракан муниципаллă вĕрентÿ учрежденийĕнче чăваш чĕлхипе литератури тата тăван ен культури вĕрентекен Михайлов В.М. учителĕн паха ĕç опытне Мускавра - Пĕтĕм Раççейри учительсен пĕлĕвне тата квалификацине ÿстерекен академийĕ пĕтĕмлетнĕ. Унăн ĕç опытĕнчи кăтарту тата дидактика материалĕсене асăннă академин сайтне (инфотекине) вырнаçтарнă, авторне çакна çирĕплетекен сертификат ярса панă.
Сайта вырнаçтарнă материалсен шутне çаксем кĕреççĕ:
"Наци этикипе эстетики" элективлă курс (аслă классенче вĕрентмелли программа).
"Ÿнерçĕ тата Çын" (Чăваш халăх художникĕ, Чăваш патшалăх символĕсен авторĕ Элли Юрьев пурнăçĕпе ĕçĕ-хĕлĕ) уçă урок планĕ.
Чăвашсен ÿнер искусстви" тĕрĕслев ĕçĕ (5 класс валли).
Чăвашсен театр искусстви" тĕрĕслевпе хăнăхтару ĕçĕ (7 класс валли).
