Нумай пулмасть Чăваш кĕнеке издательствинчен пысăк вырăсла-чăвашла сăмах пуххи пичетленсе тухнă. Икĕ кĕнекерен тăракан словаре паллă чăваш чĕлхи тĕпчевçи Михаил Скворцов хатĕрленĕ. Ку пысăк ĕçе пурĕ 32 пин çурă сăмах кĕнĕ. Хушма пайра кĕскен вырăс грамматики çинчен çырса кăтартнă. Вулакан çавăн пекех унта çын ячĕсемпе географи ячĕсене, кĕскетӳсене тупма пултарать — вĕсене вырăсла тата чăвашла илсе панă. Словаре çывăх вăхăтра «СУМ» лавккара туянма май пулĕ.
