Кăçалхи çур çулта учительсен уйăхри вăтам ĕç укçи 22 пин тенке ларнă. Пĕлтĕрхи çав тапхăртинчен ку вăл 40 процента яхăн пысăкрах-мĕн. Ача пахчисенчи воспитательсен те кӳренме сăлтав çук — вĕсем халĕ вăтамран 17 пин тенкĕ илеççĕ. Сăмах май, вĕсене 63,5 процент ӳстерсе панă. Ачасене хушма пĕлӳ паракан педагогсен шалăвĕ пĕлтĕрхи çур çулхинчен 57,4 процент ӳссе 16,5 пин тенке çитнĕ. Культура тата социаллă учрежденисенче тăрăшакансене уйăхсерен вăтамран 11–10 пиншер тенкĕ тӳленĕ-мĕн. Тухтăрсем те ӳлĕмрен укçа пĕчĕк тесе тарăхма пăрахасса шанас килет. Кăçалхи кăрлач–çĕртме уйăхĕсенче врачсен вăл вăтамран 27 пин тенкĕ ларнă, медицина сестрисен — 15,5 пин тенкĕ ытларах, санитаркăсен 9 пин тенкĕрен иртнĕ. Врач тенĕрен, т.п врачсен 87 пин тенке ларни те пур иккен. Пĕр муниципалитетри тĕп тухтăрăн ача çуратма каяс умĕнхи отпуск 150 пин тенкĕ тухнă-мĕн.
