Чĕмпĕр хулинче Сентябрĕн 12-мĕшĕ ятпа хисепленекен урамри «Йĕплĕ садик» ятне улăштарнă — ăна чăвашсене çутта кăларакан Иван Яковлевич Яковлев ятне панă. 2006 çулта уçнă чăваш халăхĕн Аслă вĕрентекенĕн палăкĕ шăп та çак скверта тăрать те ĕнтĕ.
2011 çулта çак сквера йĕркене кĕртме палăртнă. Унта çĕнĕ карта тытĕç, хунарсем çакĕç, саксем вырнаçтарĕç, çулсене плитка хурса çĕнетĕç. Çапла май ку сквер чăн та илемленессе шанăç пур.