Хисеплĕ сайтçăсем! Хисеплĕ хăнасем! Чăваш сăмахлăхне юратакансем!
Чӳкĕн 26-мĕшĕнче Шупашкарти Çеçпĕл Мишши ячĕллĕ çемье вулавăшĕнче эпир хатĕрленĕ «Асамлăх çулĕ» кĕнекен хăтлавĕ (презентацийĕ) пулĕ! Пуçламăшĕ 13 сехет çурăра! Эсир ку кĕнекере 2008-2009 çулсенче Chuvash.Org сайт урлă ирттернĕ литература ăмăртăвĕсенче малти вырăнсене йышăннă шкул ачисемпе вĕрентекенсен хайлавĕсемпе паллашма пултаратăр. Кĕнеке кăларасси çăмăл ĕç мар. Пĕр сехетре ăна кăларма май çук. Чăн та лайăх пултăр тесе пирĕн чылай вăй хума тиврĕ. Хăтлава эпир хайлавсен авторĕсене тата ăна кăларма пулăшнă пур çынна та чĕнетпĕр!
Вулавăш адресĕ: Шупашкар хули, Октябрь 50 çулĕн урамĕ, 3 çурт. Троллейбуссем: 2, 5, 6, 9, 16, 19. Маршрутлă таксисем: 45, 54, 55, 57. «Россия» хăна çурчĕ» чарăнура тухмалла.
