Республикăра иртнĕ "Чи лайăх класс ертÿçи” конкурса çак эрнере пĕтĕмлетрĕç. Савăнăçлă чыслава ЧР вĕрентÿ министрĕн çумĕ Виктор Алексеев, "Чăваш Ен” фонд президенчĕ Лев Смирнов хутшăнчĕç.
- Раççей шайĕнче те çак конкурс виççĕмĕш çул кăна иртет, Чăваш Енре вара вăл пилĕк çул каяллах йĕркеленчĕ, ку - историе кĕрсе юлмалли самант. Сăмах май, çакăн пирки кĕнеке те кăларма пулать, - палăртрĕ Лев Евгеньевич. Камсем палăрчĕç-ха?
Шкулсенче, районсенче тупăшнă хыççăн финала республикăри чи лайăх 70 класс ертÿçи тухайнă. Конкурсçăсем интернетра класс сайтне уçнă, унта воспитани енĕпе мĕн ĕçлени пирки хыпарсем вырнаçтарнă, вĕренекенсен çитĕнĕвĕсемпе паллаштарнă, ашшĕ-амăшĕ валли усăллă сĕнÿсем кĕртнĕ. Пĕтĕмлетÿ тапхăрĕнче класс ертÿçисем çемьесемпе тачă çыхăнса ĕçлемелли тата ачана аталантармалли проектсене хÿтĕленĕ.
Регион шайĕнче 5-мĕш хут йĕркеленнĕ "Чи лайăх класс ертÿçи” конкурсра кĕçĕн звенора Елена Васильева /Канаш районĕнчи Çĕнĕ Ачча пуçламăш шкулĕ-сачĕ/, Наталья Самойлова /Улатăрти 3-мĕш шкул/, Наталия Кузьмина /Çĕнĕ Шупашкарти 12-мĕш шкул/ палăрчĕç. Вăтам классен ертÿçисен хушшинче çĕнтерÿçĕ ятне Ирина Соловьева /Комсомольскинчи 1-мĕш шкул/ тивĕçрĕ. Ирин ... Малалла вула »