"Параппан - туй илемĕ, юрă - çын илемĕ”, - теççĕ. Шыв юххи пек шăнкăр-шăнкăр саслă çын юрă шăрантарнине итленĕ май чуна тăвăлтаракан хуйхă манăçать. Сăмахсене тимленĕçемĕн ешĕл курăклă улăх-çарана лекетĕн, сап-сарă хĕвел ытамĕпе киленетĕн. Юнашарти вăрманта чĕвĕлтетекен кайăксем кăмăла çÿл тÿпене çĕклеççĕ. Ăнсăртран сасă шăпланать те куçа уçатăн. Сцена çинчи чăваш хĕрĕ куракансен умĕнче пуç таять те чаршав хыçне кĕрсе çухалать. Ун хыççăн: "Чим-ха, ан кай”, - тесе чупмастăн, мĕншĕн тесен часах тепĕр маттур тухĕ. "Кĕмĕл сасă” фестиваль чăвашăн чи пултаруллă ывăл-хĕрне пуçтарнă. Кăçалхипе вăл XI хут иртрĕ. Малтанхи çулсемпе танлаштарсан ăмăртуçăсем те, йĕркелÿçĕсем те тĕплĕн хатĕрленни палăрчĕ. Сцена çине чăн-чăн ăстасем тухрĕç тесе çирĕплетме те пулать. 

Диаспорăра е тăван тăрăхран аякра тĕпленнĕ тăван-хурăнташăн чунĕнчи туйăмсем Чăваш Енре пурăнаканшăн ют. Эпир, ялта чăвашла пуплесе ÿснисем, Балаково хулинчен çитнĕ Андрей Анисимова ăнламастпăр. Каччă ятарласа фестивале хутшăнас тесе ... Малалла вула »

2010 çула çамрăк ăрăва пурнăç çулĕ çине кăларакансене халалланă май, Чăваш Республикин Вĕрентÿ тата çамрăксен политикин министерствипе "Тантăш" хаçат редакцийĕ учительсен хушшинче "Ырă кăмăллăх педагогики" ФОТОКОНКУРС ирттересси çинчен пĕлтереççĕ.
Фотоконкурс тĕллевĕ: кăмăл-сипет, педагогика, çемье ыйтăвĕсене, вăтам, аслă классенче вĕренекен яшсемпе хĕрсен хутшăнăвĕсене, çамрăк ăру пурнăçне курăмлă информаци мелĕпе çутатасси.
Фотоконкурс икĕ ушкăнпа иртет: тематика тата жанр. Тематика номинацийĕн ушкăнĕсем: "Учителĕм ăсатрĕ хурланса”, "Ик хут иккĕ – тăваттă”, "Педагог тĕлĕнтермĕшĕсем”, "Шкул чÿречи кăвак тÿпере...”, "Шкул: çунатлă çамрăклăх”, "Тунти кунччен пурăнар”, "Пирĕн Нестор Петрович”. Жанр номинацийĕн ушкăнĕсем: портрет, ушкăн портречĕ, производство портречĕ, фоторепортаж, фотоочерк, пейзаж, натюрморт, фотоэтюд, интерьер, экстерьер, фотофильм, фотоколлаж. 
Фотоконкурс 2010 çулхи раштав уйăхĕн 31-мĕшĕччен пырать.

Конкурс условийĕ: жюри 10х15, 15х21 форматпа пичетленĕ сăн ÿкерчĕксене пăхса тухать, вĕсен çумне СD-R, DVD-R дисксем çине çырнă фотохайлавсен электронлă варианчĕсем пулмалла. Авторсен çавăн пекех номинаци тата ушкăн ячĕсене палăр ... Малалла вула »