Пĕлтернĕччĕ ĕнтĕ, Мускавра Пĕтĕм Раççейри "Симĕс планета" ача-пăча экологи юхăмĕ çут çанталăка сыхлас темăпа ирттернĕ Пĕтĕм тĕнчери  конкурсра Красноармейски 2-мĕш шкулĕн 9-мĕш класĕнче вĕренекен Алексей Михайлов "Вăрмана хÿтĕлер!" веб-сайтпа "Çĕнĕ технологисем - çынна хÿтĕлес ĕçре" номинацире çĕнтерÿçĕ пулса тăнăччĕ. Чÿк уйăхĕн 3-7-мĕш кунĕсенче Мускавра çĕнтерÿçĕсене чысларĕç, экологи темипе форум иртрĕ. Çак форума Алексей Михайловпа унăн ĕçĕн ертÿçи В.М.Михайлов учитель те хутшăнчĕç. Вĕсем унта Чăваш Республикинчи "Симĕс планета" ача-пăча экологи юхăмĕн делегачĕсем пулчĕç.

Форума 8 ют çĕршывран тата 73 регионтан делегатсем пуçтарăннă. Форум делегачĕсене Раççей Президенчĕн Д.А.Медведевăн салам сăмахне вуласа пачĕç. Ачасем пĕр кун хушшинче хамăр планета çинчи çут çанталăка сыхлас тата упрас енĕпе тумалли ĕçсем çинчен хĕрÿллĕн тухса калаçрĕç. Уйрăмах çÿп-çапа тата йăла каяшĕсене утили ... Малалла вула »