Паянхи пекех асра: пĕлтĕрхи раштавăн 16-мĕшĕ, эрне каç... «Хыпар» хаçатăн тĕп редакторĕ шăнкăравлать: «Микулай, эсĕ паян «Российская газета» вуланă-и? Çырав материалĕсем тухнă...» — «Вулайман-ха, Лекçей, — тетĕп. — Мĕн «лайăххи» пур?..» — «Лайăххи-и? Эсĕ калани чăна тухрĕ... Ытти вара — йăлтах япăххи. Чăваш йышĕ 200 пин çын ытла чакнă... Каçар, пăшăрхантар-тăм каçа хирĕç. Халь эсĕ те виçĕ талăк çывăраймастăн ĕнтĕ...»
Çырав материалĕсене ĕненсех пĕтерейместĕп эпĕ. Пурте пĕлетпĕр-çке пире мĕнле çырса тухнине. Мĕнле шутланине вара никам та пĕлмест. Мĕншĕн тесен ун листисене машина шутлать тет. Автомачĕсем пирĕн ĕмпӳ чухнехисемех пулмалла: 2010 çулхи юпан 14-мĕшĕнче иртнĕ çырав листисене 2011 çулхи раштав тĕлне аран шутласа кăларнă. Суйлав пĕтĕмлетĕвне вара, çав кунах мар пулсан та, виç кунран халăха пĕлтереççĕ те... Тем калăр та мана, кунта ăрăмçăсем тухатмасăр пулман.
Чăннипе вара куракан-туякан çын халăх хавшаса пынине шутлавсăр-мĕнсĕр те витĕр курса тăрать — яла кăна кайса кил. Юлашки вунă çул хушшинче ялсенчи пысăк шкулсем те хупăнса лыраççĕ: 20-30 çул каялла кăна хăпартса лартнă икĕ-виçĕ хутлă шкул çурчĕсем пушă янраса лараççĕ. Чылайăшне «пуçтарса» та пĕтернĕ. Акă Çĕрпӳ рай ... Малалла вула »