Шкулсенче Чăваш чĕлхи эрни вĕçленменнине шута илсе "Эпир - Улăп йăхĕнчен!" вăйă конкурсăн оргкомитечĕ ăна тепĕр икĕ куна тăсма шутларĕ.
Аса илтеретпĕр: Конкурсăн вăйă ертÿçи малтан панă заявкăпа килешÿллĕн ачан е учителĕн электрон почти çине йыхрав ярать. Йыхравра конкурс иртекен http://www.make-test.ru сайт çине кĕме ыйтакан сĕнÿ пулать. Йыхравра кăтартнă ятарлă кодпа сайтра регистрациленмелле те тест ыйтăвĕсене хуравламалла (Асăрханăр: сайтри теста хуравлама Тестируемый! (Создатель теста мар!) тесе çырăнмалла!). Регистрациленнĕ чухне пĕр e-mailпа пĕр хут çеç усă курма юрать. Иккĕмĕшĕнче сайт кĕртмест ăна. Регистрациленнĕ хыççăн кăшт кĕтме тивет, мĕншĕн тесен конкурс ертÿçин вăйă конкурса хутшăнакана тест ĕçне лартса памалла. Камăн хушамачĕ заявкăра çук, ăна администратор тест лартса памасть, регистрацинчен кăларса пăрахать. Вĕрентекенсен те сайта кĕрсе нушаланмалла мар. Ахалех пулать. Теста пĕр хут çеç хуравламалла, ик-виçĕ хуравланисенне пĕрремĕш хуравне çеç шута илеççĕ. Тимлĕ пулăр. Хуравланă хыççăн тест тăрăх каялла кайма пулмасть. Ăнăçу сире!
