Тинех! Ĕçĕ те вĕçленнĕпе пĕрех: Шупашкарта тăван халăхăн мухтавлă, манăçми ывăлĕн Андриян Николаевăн палăкĕ пулать. Кĕçех вăл хăйĕн яланхи вырăнне йышăнĕ. Хальлĕхе - скульптор мастерскойĕнче. Мăнаçлăн курăнать. Çÿллĕшĕ - 4,5 метр, постаменчĕ тепĕр - 3 метр. Хула администрацийĕ Космонавтика скверĕнчи территорие тирпейлесе-хатĕрлесе çитерет. Палăк умĕнчи 250 тăваткал метр лаптăка гранитпа илем кÿреççĕ. Тепĕр 8-10 кунран пĕтĕмпех хатĕр пулмалла. Вара монумента илсе тухса постамент çине вырнаçтарĕç.
Сăваплă ĕçĕн пуçаруçисем - Владислав Немцев скульпторпа Чăваш Республикин Вăрçă, ĕç, хĕç-пăшаллă Вăйсен тата право хуралĕн органĕсен ветеранĕсен /пенсионерĕсен/ общество организацийĕн ертÿçи Алексей Скворцов - Чăваш Енри массăллă информаци хатĕрĕсенче ĕçлекенсем валли пресс-конференци йĕркелерĕç: палăк хатĕрлеме тытăннă кунранпа ĕнерхи кунччен мĕн тума ĕлкĕрнипе тĕплĕн паллаштарчĕç. Çак тĕллевпе халăхпа общество организацийĕсем икĕ миллион ытла тенкĕ пухнă. Ку - çителĕксĕр. Пĕтĕм ĕçе вĕçлеме тата 4 миллион тенкĕ кирлĕ. Палăртнине хальлĕхе кивçенле пурнăçланă.
Палăка Андриян Григорьевич çут тĕнчене килнĕ кун, авăн уйăхĕн 5-мĕшĕнче, савăнăçлă лару-тăрура уçĕç. Уява ... Малалла вула »