"Пин те пĕр сăмах" ÿкерчĕклĕ кĕнеке пичетленсе тухнă
14:38
Кĕнекене чăваш чĕлхине вĕренме усăллă хушма пособи пек кăларнă. Кĕнеке авторĕ - "Ăнăçу чĕлхи" центр директорĕ тата "Хавал" пĕрлешÿн координаторĕ Александр Блинов, редакторĕсем - Геннадий Дегтяревпа Эдуард Фомин лингвистсем. Кĕнеке 1001 экземплярпа пичетленнĕ. Ăна шкул çулне çитмен ачасем тата кĕçĕн ÿсĕмри шкул ачисем валли хатĕрленĕ. Ăна Шупашкарти тата Çĕнĕ Шупашкарти "Ăнăçу чĕлхи" центрĕн офисĕсенче туянма пулать. Хакĕ - 450 тенкĕ.
