«Урок хыççăнхи ĕçсен наци сĕмне ӳстересси» темăпа юпа уйăхĕн 20-мĕшĕнче вĕрентекенсен конференцийĕ иртĕ. Конференцие Шупашкарти наци вулавăшĕнче ирттерме палăртнă (Шупашкар хули, Ленин проспекчĕ, 15 çурт), пуçламăшĕ — 14 сехетре. Йĕркелекенĕ — Чăваш наци конгресĕ. Конференцие хутшăнас текенсем юпан 15-мĕшĕччен Чăваш наци конгресне (Шупашкар хули, композитор Воробьевсен урамĕ, 10 çурт адреспа) хăйсен доклачĕсене çитерме пултараççĕ.
