2012 çулхи чÿкĕн 24-мĕшĕнче ЧР Наци вулавăшĕнче Чăваш халăх академийĕн черетлĕ çулталăк пухăвĕ пуçтарăнать. Унта Халăх хуралĕ /Народный фронт/, Ваттисен канашĕ /Совет старейшин/, Ял мухтарĕсен пуххи /Сход сельских старост/, Ентешлĕхсен канашĕ /Совет чувашских землячеств/ тата ытти элтешлĕх пĕрлĕхĕсем /гражданские объединения/ ĕç-хĕлĕ пирки сăмах пулатех.
Чăваш халăх хуралĕн тĕп ĕçтăвкомĕн ертÿçин Д.В.Гордеевăн шухăшĕпе - вырăнти Ваттисен канашĕсемпе, старостăсемпе, ентешлĕхсемпе, союзсемпе, партисемпе, хунтăсемпе ĕçлеме йĕркеленĕ Халăх хуралĕ /Народный фронт/ кирлĕ мар, мĕншĕн тесен вăл ĕçлемест. Йăлтах ЧНК çумĕнчи Ваттисен канашĕпе пĕрлештермелле-мĕн. Çĕр-шывра граждан обществи тăвас тесе тапаçланнă вăхăтра общество пĕрлешĕвĕсене пĕтерес тесе мар, вĕсене йĕркеллĕ ĕçлеттерсе ярас тесе шухăшламалла. Халăх хуралĕ /Народный фронт/ 1988 çулта чăмăртанчĕ, Политпросвет çуртĕнчи «Тĕпел» /Трибуна/ урлă самай витĕмлĕ ĕçсем туса ирттерчĕ. Ун чухне Халăх хуралĕн положенийĕ пичетре тухаймарĕ, 2001 çулта тин /«Тăван Атăл», 11// Ваттисен хуралĕпе Ял мухтарĕсем çинчен каланисем пичетленчĕç. Н.В.Федоров Президентпа М.А.Михайловский Председатель Ял мухтарĕсемпе Ваттисен кана ... Малалла вула »

Ĕнер, чӳкĕн 24-мĕшĕнче, Çеçпĕл Мишши ячĕллĕ çамрăксен театрĕнче Иосиф Трер çырнă «Ама кайăк çулĕпе» спектаклĕн премьери пулчĕ.
Пьесăра чăвашсен йăли-йĕркипе сăмахлăхĕ тĕп вырăнта. Ĕçсем çимĕк умĕн пулса иртеççĕ. Сăнарсем: Ама кайăк, усал Иййе, Хĕвел хĕрĕ Тилли. Тĕп сăнарăн — Кĕçĕннин — чылай пăтăрмахпа инкек-синкек урлă тухма тивет.
Спектакль режиссёрĕ те ăна лартаканни те — унăн авторĕ, Иосиф Трер. Вылякансем шутĕнче: Людмила Павлова, Ольга Почалкина, Светлана Дмитриева, Дмитрий Петров, Владимир Свинцов, Ольга Мацуцына, Венера Пайгильдина, Надежда Садовникова, Ирина Архипова, Николай Тарасов.