Пĕлетĕр пулĕ, пĕлтĕр Чăваш халăх сайчĕ «Урхамахсем тăраç тапăртатса...» литература ăмăртăвне ирттернĕччĕ, унта ярса панă хайлавсене кĕнекен пичетлесе кăларма шантарнăччĕ. Вăхăт майĕпен шăвать, сăмаха пурнăçлама та вăхăт çитрĕ. 
Хальхи вăхăтра, корректор текстсене тĕрĕслесе тӳрлетнĕ хыççăн, кĕнекене калăплаççĕ. Унсăр пуçне ӳнер ăмăртăвĕ ирттерсе ачасен ӳкерчĕкĕсене йышăнаççĕ («Лаша сăнарĕ хут çинче» ятлă), вăл пушăн 25-мĕшĕччен пырать.
Кĕнеке калăпăшĕ 500 страница патнелле пулнăран ăна пичетлесе кăларма хальхинче укçа ытларах кирлĕ. 300 экземплярпа кăларма 40-50 пин кирлĕ, 500 экземплярпа — 53-65 пин. Паллах, 500 экземплярпа, хытă хуплашкаллă кăларма пулать — унашкал кĕнекене алăра тытма та, вулама та меллĕ. 65 пин пухма çăмăл мар, çавăнпа та эсир - пулăшма кăмăл тăвакансем - пулăшасса шанас килет. Ку Чăваш халăх сайчĕн пĕрремĕш кĕнеки мар, çавăнпа та сирĕн пулăшу сая каймĕ.
Хальлĕхе пурĕ 13 469.83 (20.72%) тенкĕ пухăннă. Кунта пĕлтĕрхи кĕнекене кăларма ярса панă укçан юлашки пайĕ, «Асамлăх çулĕ» кĕнекене сутса тунă укçа тата кĕнекене кăларнăранпа ярса панă укçа кĕреççĕ.
Укçа куçармалли счета Чăваш халăх сайтĕнче пĕлтернĕ. Альфа-банк счечĕ çине ... Малалла вула »