Тутарстанра кăçал шкул пĕтерекен 25233 çамрăк республикăри аслă шкулсенчи 13125 бюджетлă вырăн çине шанма пултарать. Ытларикун ТР Министрсен Кабинетĕнче иртнĕ брифингра патшалăх вузĕсене вĕренме илесси çинчен ТР вĕрентӳпе наука министрĕ Альберт Гильмутдинов каласа пачĕ. Брифинга Рособрнадзор ертӳçи Любовь Глебова та хутшăнчĕ. 
Министр каланă тăрăх, кăçал 25233 çамрăк 11-мĕш класран вĕренсе тухать. Республикăри 24 патшалăх вузĕ абитуриентсене пурĕ куçăн майпа вĕренмешкĕн 28866 вырăн (вĕсенчен 13125-шĕ бюджетлă) сĕнет. Нумай пулмасть наци тĕпчев институчĕн статусне илнĕ Хусанти патшалăх технологи университечĕ пуринчен нумайрах çамрăка йышăнасшăн – 5386 вырăн, бюджетли 2253. Иккĕмĕш вырăнта Туполев ячĕллĕ патшалăх техника университечĕ – 3834 вырăн, бюджетли 1810, виççĕмĕш Камски патшалăх инженерипе экономика академийĕ – 3178, бюджетли 1019. Хусанти патшалăх университечĕ улттăмĕш вырăнта – 1740 вырăн, бюджетли 1460.
Альберт Харисович ХПУна, ТПГПУна, ХПФЭИне вĕренме кĕрекенсем сентябрĕн 1-мĕшĕ тĕлне пĕр аслă шкулăн – Хусанти (Атăлçи) федераллă университетăн – студенчĕсем пулса тăмаллине аса илтерчĕ. Хальлĕхе вара йышăну кампанийĕ уйрăмшарăн иртет.
Тата кă ... Малалла вула »