Раççей Федерацийĕн Президенчĕ Дмитрий Анатольевич Медведев хăйĕн указĕпе килĕшÿллĕн профессилле çĕнĕ уяв палăртнă — Программистсен кунĕ. Ăна малашне авăн уйăхĕн 13-мĕшĕнче (çулталăкăн 256-мĕш кунĕнче) уявлĕç е авăн уйăхĕн 12-мĕшĕнче (çулталăкĕ йывăр çуллă - 366 кунлă килет пулсан). Çакăн çинчен Кремльти пресс-служба шăматкун пĕлтернĕ.

Нумай çул хушши ĕнтĕ çак уява пĕтĕм тĕчипех çулталăкăн 256-мĕш кунĕнче официаллă мар майпа уявлаççĕ. Мĕншĕн 256-мĕш кун-ха тата? Çак тулли  числона сакăр разрядлă байтпа палăртма пулать иккен, тата вăл 365 числоран пĕчĕкрех 2 числон  чи пысăк степенĕ пулать тесе пĕлтерет ИТАР-ТАСС.