Паян савăнăçлă уяв - юлашки шăнкăрав. Пирĕнтен кашниех шкул сакки çинче ăç пухса çын пулнă. Çак уяв кашни çын пурнăçĕнче асран кайми йĕр хăварать. Мĕншĕн тесен çак ÿсĕм ачашăн çитĕнннисен йышне кĕнине палăртакан пĕртен-пĕр хаваслă уяв. Хаваслă уяв тени çителĕксĕр. Çак уяв тунсăхлă туйăмсем те çуратать. Ачалăх тек нихăçан та каялла таврăнмĕ. Тем пек каялла тавăрас тесен те. Ним шухăш-хуйхăсăр çÿресси тек пулмĕ. Умра - аслă пурнăç çулĕ. Ĕмĕр пурăн, ĕмĕр вĕрен тенешкел, халĕ вĕсен чуна пыракан профессие алла илсе чăн-чăн пурнăç çынни пулмалла. Малашне çумра тĕрĕс çул кăтартса пыракан вĕрентекенсем пулмĕç - пĕтĕм ыйтăва хăвăн татса памалла. Анчах учительсем юлашки шăнкăравра пилленĕ сăмаха манмалла мар. Чăвашсем çапла калаççĕ: "Пиллесен пин пулнă, пиллемесен кĕл пулнă". 11 çул хушшинче ачасемшĕн те шкул тăван кил пекех ... Малалла вула »