«Улăп - 2019: Эпир Улăп йăхĕнчен!» вăйă конкурс

«Асран кайми юрăç пулам-и?» VII инçет викторина ыйтăвĕсем

1. Нестер Янкас ăçта тата хăçан çуралнă? Янкас сăмах (псевдоним) мĕне пĕлтерет? Поэт-çыравçăн ытти псевдонимĕсене калăр.
2. Унăн ачалăхĕ çинчен мĕн пĕлетĕр? Сăвă çырма ăна мĕн хистенĕ? Вăл ăçта-ăçта вĕреннĕ тата ĕçленĕ, мĕнле пултарулăхпа палăрнă?
3. Нестер Янкас хăйĕн пĕрремĕш сăввисене ăçта-ăçта тата хăçан пичетленĕ? Пĕрремĕш сăвă кĕнеки мĕн ятлă тата хăçан пичетленнĕ?
4. Нестер Янкас поэта Сталин самани мĕншĕн репрессиленĕ? Унăн айăпсăр «айăпĕ» мĕнре пулнă? Унăн айăпне хăçан реабилитациленĕ? Поэтăн айăпне сирес тесе кам ытларах тăрăшнă?
5. Поэтăн çемйи çинчен мĕн пĕлетĕр? Ашшĕ-амăшĕ, тăванĕсем, мăшăрĕпе ачисем çинчен тĕплĕнрех çырса парăр. Поэтăн вилес умĕн каланă юлашки сăмахĕ мĕнле пулнă?
6. Поэт хăш халăх поэчĕсен сăввисене чăвашла куçарнă? А.С. Пушкин хайлавне чăвашла куçарса мĕн ятлă кĕнеке кăларнă?
7. Н.К. Янкасăн прозăпа çырнă хайлавĕсене асăнса тухăр. Вĕсенчен хăшĕ паллăраххи тата пултаруллăраххи шутланать?
8. «Тухăçлă та ăнăçлă ĕçленĕ сăвăç. Унăн «Чапаев вилĕмĕ», «Тимĕрçĕ хĕрĕ», «Мавзолей» тата ытти сăввисене шкулта вĕренеттĕмĕр, сцена çинче калаттăмăр», - тесе кам каланă?
9. Поэт хăй пурăннă чух пурĕ миçе кĕнеке кăларма пултарнă? Каярахри тапхăрта тата мĕнле кĕнекесем тухнă? Ячĕсене тата пичетленнĕ çулĕсене çырса парăр.
10. Нестер Янкас пурнăçĕпе ĕçĕ-хĕлĕ çинчен юлашки вăхăтра тухнă литературăпа публицистика кĕнеки çинчен каласа парăр. Ăна кам пухса кăларнă?

Асăрхаттарни: Викторинăна тĕп-тĕрĕс хуравланăшăн пĕтĕмпе 10 балл таран пухма пулать (кашни ыйту хуравĕшĕн 1 балл).