Я. Г. Ухсай çуралнăранпа 100 çул çитнине халалланă республикăри "Чăваш кĕсли" интернет олимпидăна Чăваш Республикин вĕренÿ тата çамрăксен политикин министерстви Чăваш чĕлхин инçет вĕренÿ центрĕпе пĕрле ирттернĕ. Олимпиада юпа уйăхĕн 19-мĕшĕнчен пуçласа 30-мĕшĕччен пынă. Ку тупăшура Чăваш Республикинче тата ун тулашĕнче пурăнакан 850 шкул ачи хутшăннă. Интернет олимпиадăна çак тĕллевсемпе ирттернĕ: - Яков Ухсайăн пурнăçĕпе пултарулăхне пур енлĕн тишкерме, - чăваш чĕлхипе литературине вĕрентес ĕçĕн пахалăхне ÿстерме, - вĕренекенсен творчествăлла ăсталăх ÿсĕмне палăртма тата малалла аталантарма, - вĕренÿ ĕçĕнче интернет технологийĕсемпе анлăрах усă курма.
Çĕнтерÿçĕсене Чăваш Республикин вĕренÿ тата çамрăксен политикин министерствин дипломĕсемпе чыслаççĕ. Чăваш чĕлхин инçет вĕренÿ центрĕ 25 процентран кая мар тĕрĕс хурав паракан ачана "Интернет олимпиадăна хутшăнаканăн электрон сертификачĕпе" чыслаççĕ.
