Паян «Ăраскал çăлтăрĕ» интернет конкурсăн 1-мĕш тапхăрĕ вĕçленчĕ. Малалла 2-мĕш тапхăр пуçланать — хайлавсен хаклавĕ. Эсир те, вулакансем, унта хутшăнма пултаратăр — вулакансен кăмăлне кайнă хайлава сирĕнсĕр палăртма май çук. Литература ăмăртăвне йĕркелекенсем вара ярса панă ĕçсене раштавăн 1-мĕшĕччен тĕрĕслесе хак парĕç.
Кăçалхи ăмартăва пурĕ 51 хайлав килчĕ, вĕсемпе эсир электронлă вулавăшра паллашма пултаратăр. Паллах, хутшанакансен йышĕ сахал, эпир ытларах кĕтнĕччĕ. Кăмăлăрсем пур пулсан — чӳкĕн 15-мĕшĕччен хăвсамăр хайлава ярса пама пултаратăр — эпир ăна йышăнăпăр, анчах та вăл «вулакансен кăмăлне кайнă хайлав» пая кĕреймĕ. Чӳкĕн 15-мĕшĕпе раштавăн 1-мĕшĕ хушшинче те йышăнма пултаратпăр — анчах та ăна кĕнекене çеç кĕртме май пулĕ (ăмăртăва хутшăннине ĕнентерекен хут парăпăрах ĕнтĕ). Эсир тĕрĕс ăнлантăр — тепĕр çул икĕ ăмăртăвăн хайлавĕсене эпир кĕнекен пичетлесе кăларас шухăшлă. Анчах васкăр — раштавăн 1-мĕшĕччен çеç йышăнатпăр. Кĕнекене, паллах, пичете юрăхлă хайлавсем çеç кĕрĕç.