Авăн уйăхĕн 8-мĕшĕнче И.Я.Яковлев ячĕллĕ чăваш патшалăх педагогика университетĕнче çак ятпа наукăпа практика конференцийĕ иртрĕ. Унта Чăваш ен, Мускав, Тутарстан, Тюмень тăрăхĕнчен килнĕ ăсчахсемпе таврапĕлÿçĕсем, аспирантсемпе студентсем, общество деятелĕсем хутшăнчĕç.

Мероприятине Уралпа Çĕпĕр тăрăхĕнчи чăваш пĕрлĕхĕсен Канашĕн председателĕ Владимир Логиновпа Тюмень тăрăхĕнчи чăвашсен «Тăван» ассоциацийĕн президенчĕ Ираида Маслова та çитрĕç. Каласа хăвармалла, вĕсем тăрăшнипе Тюмень тăрăхĕнче Никита Бичурин (Иакинф) ячĕпе кăçалхипе вуннăмĕш хут тĕнче шайĕнчи «Бичурин вулавĕсем» иртеççĕ.

Конференцие пуçтарăннисене малтанах университетăн ректорĕ Владимир Иванов, Чăваш Республикин культура, национальнăçсен ĕçĕсен тата архив ĕçĕн министрĕн çумĕ Вячеслав Оринов, Патшалăх Канашĕн наци ыйтăвĕсемпе ĕçлекен комитечĕн председателĕ Вячеслав Рафинов саламларĕç, тухăçлă ĕçлеме сунчĕç.

Анлă докладсемпе Мускаври наука академийĕнче ĕçлекен философи наукисен докторĕ Владимир Миронов профессор, И.Я.Яковлев ячĕллĕ чăваш патшалăх педаг ... Малалла вула »

Чăваш Республикин вĕренÿ тата çамрăксен политикин министерствин хушăвĕпе килĕшÿллĕн Чăваш Республикин вĕренÿ институчĕ «Тăван кил ăшши – атте-анне ăшши» сочинени конкурсĕ ирттерет.

Сочинени конкурсне Раççейре экологи çулталăкне Чăваш Республинче Аннепе атте çулталăкне ирттермелли планпа килĕшÿллĕн йĕркеленĕ. Конкурсăн тĕллевĕсем – сочинени çырас традицине чĕртесси, ачасен шухăшлавне, аталантарсси; пултаруллă ачасене тупса палăртасси; тăван çĕре-шыва, атте-аннене хисеплеме, упрама хăнăхтарасси.

Конкурса 9-11-мĕш класра вĕренекенсем тата професси пĕлĕвĕ паракан вĕренÿ организацийĕн вĕренекенĕсем хутшăнаççĕ. Сочинение чăвашла та, вырăсла та çырма юрать.

Сочинени темисем:

1) Тăван çĕр-шыва юратасси çемьерен пуçланать

2) Ашшĕ-амăшĕн тивлечĕ ачашăн ырă тĕслĕх

3) Çĕр анне хуçана çеç юратать

4) Чăваш çыравçисен хайлавĕсенче кăтартнă атте-анне ырă санарĕсем

... Малалла вула »