Хисеплĕ тăвансем, йăхташăмăрсем!



Çулталăкĕ çăмăл пулмарĕ пулсан та, 2015-мĕш çулта ЧНК курăмлă ĕçсем нумай турĕ. Раççейре – Литература, Чăваш Енре - К.Иванов Çулталăкĕ пулнă май, хамăрăн чылай ĕçе çак ятпа туса ирттертĕмĕр. Çу уйăхĕнче конгресс Слакпуçĕнче йĕркеленĕ анлă уяв пуриншĕн те асра юлмалла пулчĕ. Ку уявра хамăр республикăран кăна мар, регионсенчи чăвашсем те поэзи классикĕн Ивановăн тăрăхне çитсе пуç тайрĕç, унти асамлă сывлăшпа сывларĕç. Пушкăрт Республикине пысăк йышпа кайса килсе ытти халăхсене ырăпа тĕлĕнтертĕмĕр эпир.

Пĕтĕм Раççейри Чăваш Акатуйĕ, "Чăваш пики" конкурс тата ытти ĕç-пуç та сумлă иртрĕç тесе шутлатăп.

2015-мĕш çулта пĕтĕм Крым Республикин чăваш автономи пĕрлĕхне йĕркелеме пултартăм.

Экономикăри йывăрлăхсене пăхмасăр, патшалăх укçисĕр, хамăр вăйпах чăваш культурине аталантармалли ырă ĕç-пуçсем чылай туса ирттеретпĕр, малашне те çакна тума май тупăпăр тесе шутлатăп.

2016-мĕш çула та Чăваш наци конгресĕ чылай ĕç-пуç тума палăртать. Хамăр республикăра – Ĕç çынни , Раççейре - Кино Çулталăкĕ тесе пĕлтернĕ май, эпир те килес çул чăваш халăхĕн ырлăхĕшĕн, ăс-хакăлĕшĕн самай усăллă ĕçсем тума шутл ... Малалла вула »

Раштав уйӑхӗн 28-мӗшӗнче, Шупашкарта этнопедагог ӑсчаха Геннадий Никандрович Волкова халалласа палӑк уҫнӑ. Скульптурӑна Ленин проспектӗнчи 35 тата 39-мӗш ҫуртсен хушшине лартнӑ. Этнопедагогикӑна йӗркеленӗ Геннадий Волкова халалланӑ палӑка, аса илтерер, 2013 ҫултах уҫма палӑртнӑ. Икӗ ҫул каялла Ленин проспектӗнче пулас монумент вырӑнне чул хунӑ. Палӑка паян ҫеҫ уҫнӑ. Чӑваш Республикин хисеплӗ гражданинӗ Геннадий Никандрович 1927 ҫулта Елчӗк районӗнчи Аслӑ Елчӗк ялӗнче ҫуралса ӳснӗ. Халӗ унӑн ячӗпе ЧППУн этнопедагогикӑн ӑслӑлӑхпа тӗпчев институчӗ хисепленет. Ӗнер, раштавӑн 27-мӗшӗнче, Геннадий Волков пирӗнтен уйрӑлса кайнӑранпа 5 ҫул ҫитнӗ.