Авăнăн 3-мĕшĕнче, пирĕнтен ĕмĕрлĕхе чăваш халăх çыравçи, драматургĕ, филологи ăслăлăхĕсен кандидачĕ Краснов Георгий Васильевич уйрăлса кайрĕ. 
Георгий Васильевич 1937 çулхи кăрлачăн 30-мĕшĕнче Етĕрне районĕнчи Йĕрхкасси ялĕнче çуралнă. Мăн Явăшри çичĕ çул вĕренмелли шкулта, Çĕрпӳ ял хуçалăх техникумĕнче, Мускав патшалăх университечĕн журналистика факультетĕнче вĕреннĕ. Колхоз председателĕ, Чăваш АССРĕн радиовещанипе телевидени комитечĕн тĕп редакторĕ тата председатель çумĕ пулнă. Чăваш АССР ÇП правлениĕн председателĕ, «Тăван Атăл» журналăн тĕп редакторĕ вырăнĕнче ĕçленĕ.
Юлашки çулсенче вăл Чăваш патшалăх университетĕнчи журналистика факультечĕн профессорĕ пулса ĕçлерĕ.
Георгий Краснов 20 ытла кĕнеке кăларнă: «Кăмăл туртăмĕ» (1973), «Çамрăклăх пĕрре килет» (1974), «Ӗмер тикĕс килмест» (1979), «Кавар» (2004), «Кĕвеçекене кĕвĕ çиет», «Телей патне виçĕ çухрăм», «Çитетпĕр хĕрĕхе, иртетпĕр хĕрĕхрен», «Хĕрлĕ тюльпан» (2007), «Чипер хĕр ача Ксени» (2010) тата ыттисем.
1979 çулта Чăваш çамрăкĕсен Çеçпĕл Мишши ячĕлле премийĕн лауреачĕ («Ĕмĕр тикĕс килмест» романшăн), 1984 çулта Чăваш АССРĕн тава тивĕçлĕ культура ĕçченĕ ятне тивĕçнĕ. Георгий Васильевич к ... Малалла вула »