Юпан 4-мĕшĕнче чăваш тетелĕнче олимпиада пуçланать. Ăна Н. И. Ашмарин çуралнăранпа 140 çул, вăл хатĕрленĕ чăваш сăмахĕсен пуххин пĕрремĕш томĕ тухнăранпа 100 çул çитнĕ ятпа ирттереççĕ. Ăмăрту http://inset.chv.su сайтра иртĕ.
Йĕркелекенсем: Çĕрпӳ район администрацийĕн вĕренӳпе социаллă аталану управленийĕ, Чăваш халăх сайчĕ (информаци тата техника тĕлĕшĕнчен пулăшать), Чăваш чĕлхин инçет вĕренӳ центрĕ.
Ăмăрту — районсем хушшинчи, унта Çĕрпӳ, Сĕнтĕрвăрри, Вăрмар, Канаш, Красноармейски, Шупашкар районсенчи шкул ачисем хутшанайраççĕ. Вĕсен пĕр сехет хушшинче 10 ыйту хуравне кăтартмалла пулĕ. Пĕлӳ кăтартассишĕн укçа тӳлес çук, хуравсене сайт урлă çеç йышăнаççĕ (электронлă почтăпа янин усси çук).
Регистраци юпан 15-мĕшĕччен пырĕ. Интернет-ăмăрту вара юпан 21-мĕшĕччен пырĕ.