Майăн 19-мĕшĕ - Ача-пăча организацийĕсен кунĕ. Совет Союзĕнче пурăнакан ачасемшĕн çак кун пысăк уяв шутланнă. Пионерсен кунĕ теттĕмĕр ăна. Уроксем те пулмастчĕç вăл кун. Пысăк кăвайт-костер чĕртсе,  ун тавра пухăнса хамăр мĕнле пурăнасси пирки сÿтсе явнине, пысăк сбор (пуху-линейка) ирттернине питĕ лайăх астăватăп эпĕ. Сурăм вăрманĕнче иртетчĕ вăл. Шурă кĕпе тăхăнса, мăя хĕрлĕ хăмач-галстук çакса каяттăмăр унта. Вăйă-кулă, юрă-кĕвĕ янăратчĕ унта. Аслисем каланине тимлĕ итлеттĕмĕр. Малашнехи плансене пурнăçлама ĕмĕтленеттĕмĕр. Кăçал вара çак юхăм 100 çул тултарнине паллă тăватпăр, мĕншĕн тесен 1909 çулхи апрелĕн 30-мĕшĕнче Павловск хулинче Раççейри скаутсен пĕрремĕш кăвайт-костерне чĕртнĕ.