ВИДЕОХЫПАР

2014 çулхи ака уйăхĕн 25-мĕшĕнче пĕтĕм чăваш диктантне иккĕмĕш хут ирттерме палăртнă. Йĕркелÿ комитечĕ паллă чăваш поэчĕ, журналисчĕ Марина Карягина çырнă текста суйласа илнĕ, халĕ çĕнтерÿçĕсене хавхалантарма парнесем хатĕрлет, диктант бланкĕсене пичетлеме хатĕрленет, электрон почтипе çырусене йышăнса, пичетлесе кăларса, тĕрĕслекенсене вăхăтра çитерсе парассине çăмăллатас енĕпе ĕçлет.

Чăваш патшалăх гуманитари ăслăлăхĕсен институтĕнче ĕнер, акан 7-мĕшĕнче, «Пĕтĕм чăваш диктанчĕ» тавра çыхăнну ыйтусене сӳтсе явма тепĕр хут пуçтарăннă.

Калаçăва кĕскен пĕтĕмлетсен çак хыпарсене пĕлтерме пулать. Наци радиовĕ валли текста вуланă та иккен, ку ĕçе РСФСР тата Чăваш АССРĕн халăх артистки Нина Яковлева пурнăçланă. Çавăн пекех тепĕр шухăш — республика тулашĕнчи чăвашсем валли ятарлă видео хатĕрлесси. Ăна YouTube видеохостингра е тепĕр вырăнта лартасшăн (видео диктант пуçлансан курăмланĕ). Ларура мероприятин логотипне — элемне — хатĕрлес ыйтăва та хускатнă. Кунта Праски Витти ăсталанă ĕçе суйласа илнĕ.

Аса илтеретпĕр, «Пĕтĕм чăваш диктанчĕ» эрнекун, акан 25-мĕшĕнче, 13 сехетре иртмелле. Çырас шухăшлисем Чăваш Рсепубликин вĕренӳ институтне е И.Я. Яковлев ячĕллĕ Чăваш патшалăх педагогика институтне пымалла. Çавăн пекех килте те çырма пулать — Марина Карягина çырнă текста Наци радиовĕн эфирĕнче вуласа парĕç. Çыру йĕркине аса илес кăмăл пур пулсан сире акан 21-мĕшĕнче (тунтикун) вĕренӳ институтĕнче 13 сехете кĕтеççĕ — унта тӳлевсĕр вĕрентӳ иртĕ. «Пĕтĕм чăваш диктантне» хутшăнас кăмăл пур пулсан total.dictant.2014@yandex.ru адреспа заявка ямалла. Ун хурмине ЧПГĂИ сайтĕнче илме пулĕ.

Тĕплĕнрех

http://www.chuvash.org/news/5496.html