Геннадий Юмарт çуралнăранпа 80 çул çитнĕ май 2018 çулхи ака уйăхĕн 16-30-мĕшĕсенче ирттерекен «Улăп - 2018» викторина ыйтăвĕсем

1. Геннадий Юмарт ăçта тата хăçан çуралнă? Юмарт сăмах (псевдоним) мĕне пĕлтерет? 
2. Унăн ачалăхĕ çинчен мĕн пĕлетĕр? Сăвă çырма ăна мĕн хистенĕ? Вăл ăçта-ăçта вĕреннĕ тата ĕçленĕ, мĕнле пултарулăхпа палăрнă? 
3. Геннадий Юмарт хăйĕн пĕрремĕш сăввисене ăçта-ăçта тата хăçан пичетленĕ? Пĕрремĕш сăвă кĕнеки мĕн ятлă тата хăçан пичетленнĕ? 
4. Юмарт псевдонимлă авторсем чăваш литературинче тата пур. Камсем вĕсем тата мĕн сăлтавпа пĕр пек хушăм ят илнĕ? 
5. Поэт хăш халăх поэчĕсен сăввисене чăвашла куçарнă? Унăн хăйĕн сăввисене хăш халăх чĕлхисене куçарнă? А.С. Пушкин сăввисене чăвашла куçарса мĕн ятлă кĕнеке кăларнă? Унăн «Шла синица в гости к птицам» кĕнеки Мускаври «Малыш» издательствăра миçе экземплярпа пичетленсе тухнă? 
6. Геннадий Юмартăн наукăри тата фольклористикăри ĕçĕсене çырса парăр. 
7. Г.Ф. Юмартăн вĕренÿ кĕнекисене асăнса тухăр. 
8. «Юмарт пултарулăхĕ Чăваш Ен культурине витĕм кÿрет…», - тесе кам каланă? 
9. Поэт пурĕ миçе поэма çырса пичетленĕ. Унăн юлашки вăхăтра çырса хатĕрленĕ поэзи кĕнеки мĕн ятлă? 
10. Геннадий Юмартăн хисеплĕ ячĕсене çырса парăр. 

Асăрхаттарни: Викторинăна тĕп-тĕрĕс хуравланăшăн пĕтĕмпе 10 балл таран пухма пулать (кашни ыйту хуравĕшĕн 1 балл).

Викторина йĕрки