Чăваш патшалăх гуманитари ăслăлăхĕсен институчĕ Шупашкарта пĕтĕм тĕнчери «Раççей — спорт çершывĕ» канашлăва ирттернĕ чухне икĕчĕлхелĕхе пăхăнманнине сивлет.

Гуманитари институчĕ тĕнче тетелĕнче çынсем Шупашкарти чарăнусен чăвашла ячĕсене хуратнине сӳтсе явнине асăрханă. Хула влаçĕ канашлу умĕн чарăнусен ячĕсене улăштарнă. Юпан 7-мĕшĕнче хулари тĕп урамсенче чарăнусен икĕ чĕлхеллĕ ячĕсене илсе çĕннисене вырнаçтарнă. Анчах — вырăсла çеç.

Халăх тӳре-шараран кун пирки кăсăкланнă. Вĕсем чăвашла çырнисене хатĕрлесе ĕлкĕреймен-мĕн…

Гуманитари институтĕнче палăртнă тăрăх, кунта влаçран чăвашла куçарма ыйтса çырнă пĕр çыру та килмен. Ăсчахсем, институт «Чĕлхе саккунне» пăхăнмаллине аса илтереççĕ.

Çăлкуç: http://www.chuvash.org/news/7210.html