Пĕлтĕр иртнĕ «Чăваш йăмри» литература конкурсĕнче мала тухнисене Шупашкарти К.В. Иванов ячĕллĕ литература музейĕнче 11 сехетре чыслаççĕ. Литература конкурсĕн çĕнтерӳçисене хаклă парнесемпе чыслаççĕ — вĕсем яланхиллех сахал мар пулĕç — картинăсем, кĕнекесем, кунталăксем (календарьсем). Юрă тăхтавĕсене хăйĕн пултарулăхĕпе Муркаш районĕнчи«Хĕлхем» эстрада ушкăнĕ тултарĕ. Камăн литература музейĕпе паллашас кăмăл пур, унта 10 сехет тĕлне çитме пултарать — вĕсем валли музей ĕçченĕсем ятарлă экскурси ирттерĕç. Литература музейĕ Шупашкарти Ленинград урамĕнчи 29мĕш çуртра вырнаçнă. Унта лекес тесен сирĕн вокзалтан «Мода çурчĕ» е «Республика тӳремĕ» чарăнăва çитмелле. «Мода çуртĕнче» ансан сирĕн çул урлă каçса çӳлелле хăпарма тивĕ. Тĕплĕнрех ӳкерчĕк çинче кăтартнă. Вокзалтан 1, 4, 12 троллейбуспа, 15, 23 автобуспа, 31, 35, 36, 40, 41, 44, 50 маршруткăпа çитме пулать. Çыпăçтарнисем: |
