Ака уйăхĕн 25-мĕшĕнче Красноармейски вăтам шкулĕнче Чăваш чĕлхин кунне тата пирĕн Аслă Вĕрентекенĕмĕр, хальхи чăваш çырулăхне никĕслекен И.Я. Яковлев çуралнăранпа 170 çул çитнине халалласа ирттернĕ вунăкунлăха пĕтĕмлетекен уяв-фестиваль пулчĕ. Унта 1-4 тата 5-7 классенче вĕренекенсем хутшăнчĕç. Ачасем хăйсем çырнă сăввисене вуларĕç тата И.Я. Яковлев калавĕсем тăрăх хатĕрленĕ инсценировкăсене кăтартрĕç. Уявра тĕрлĕ конкурсра çĕнтернĕ авторсене те чысларĕç.
