Кăçал февраль уйăхĕнчен пуçласа Раççей çарĕсенче пачăшкăсем ĕçлеме пуçлаççĕ. Вырăс православи чиркĕвĕ унта каймашкăн тăват çĕре яхăн чиркӳ çыннине уйăрма шантарнă. Кун пирки Мускавра иртнĕ Архиерейсен пухăвĕнче Мускав тата Пĕтĕм Руç Патриархĕ Кирилл сăмах хускатнă.
Хĕсмете, паллах, вăй питти, кĕрнеклĕ, хăйсем те салтак пăтти çисе курнă чиркӳ çыннисем каймалла.
Малашне, Патриарх сăмахĕсемпе, çамрăк священниксене, диаконсене, кĕлĕ вулакансене виçĕ уйăхлă программăпа ятарласа хĕсмете каймашкăн хатĕрлеме тытăнаççĕ.
Пачăшкăсен должноçĕ вара Турра шанакан çар çыннисемпе ĕçлекен командир пулăшуçи ятлă пулать. Ĕç укçи те сахалах мар, 25 пин тенкĕрен сахал илмĕç.
Хальлĕхе чиркӳ çыннисем пĕтĕм çар подразделенийĕсенче пулмасан та, çулталăк вĕçĕнче кашнинчех тенĕ пек хĕрес çакнă, священник тумĕ тăхăннă çынна курма пулĕ.
■ Светлана ЭЛШЕЛ.

ТР Президенчĕ февралĕн 17-мĕшĕнче Хусан Кремлĕнче чи-чи пултаруллă çынсене Раççей Федерацийĕн тата Тутарстан Республикин патшалăх наградисене пачĕ. Президент аллинчен награда илекен 55 çын хушшинче çак кун Раççейре кăна мар, тĕнчере те паллă юрăç, «Эксклюзив-Арт» ХАО илемлĕх ертӳçи Алсу Абрамова та пулчĕ. Ăна Минтимер Шарипович «Тутарстан Республикин халăх артисчĕ» ят пани çинчен пĕлтерчĕ, çамрăк юрăçа телей тата ăнăçу сунчĕ.
– Паян манăн творчествăлла пурнăçри чи хумхануллă кунсенчен пĕри, – терĕ Алсу. – Çак хисеплĕ ятпа эпĕ яланах мăнаçланăп. Минтимер Шарипович, Сире хамăн пысăк çемье тата пĕтĕм тĕнчипех пурăнакан тутар халăхĕ ятĕнчен чĕререн хисеплесе тав тăватăп. Турă çирĕп сывлăх патăр Сире! Пысăк тав тата тайма пуç!

Нарăсăн 25-мĕшĕнче Красноармейскинче (Тракра) Халăх пултарулăх çурчĕн ларусен залĕнче Нестер Янкас ячĕллĕ пĕрлĕх 20 çул тултарнине халалласа уяв каçĕ иртрĕ. Уяв кĕрекинче - район администрацийĕн пуçлăхĕн пĕрремĕш çумĕ Н.И.Антонов, район администрацийĕн культура, спорт тата çамрăксемпе ĕçлекен пай пуçлăхĕ А.Лебедев, Шупашкарти "Трак ен" ентешлĕх ертÿçи А.Н.Львов, Нестер Янкас ячĕллĕ Преми лауреачĕ Ăсан Уçăпĕ çыравçă, Нестер Янкас шăллĕн ывăлĕ Валерий Кириллов, пĕрлĕх ертÿçи Георгий Тусли, тĕрлĕ çулсенче пĕрлĕхе ертсе пынă А.А.Раськин, В.М.Михайлов, В.З.Константинов, Н.Г.Ершов-Янкер юлташсем тата 2008 тата 2009 çулсемшĕн пĕрлĕх Премине илме тивĕçлĕ пулнă А.Яковлев журналист, Ю.Степанов-Листопад журналист тата П.Федоров юрăçă. Уява ертсе пыраканĕ - районти тĕп вулавăш ĕçченĕ С. ... Малалла вула »