Енчен те кам та пулин хутшăнаканăн анкетине тĕрĕс çырса тултарман пулсан — тӳрлетĕр. Анкетăра пулмалла: автор ячĕ, хăш класра вĕренни (миçе çулти мар!), хăш шкула çӳрени (чăвашла кирлĕ), района палăртни. Çавăн пекех питĕ кирлĕ: карас телефонĕн номерĕ, электронлă адрес, кил адресĕ. Эпир вĕсене таçта салатасран ан хăрăр — вăл информаци сирĕнпе çыхăнма кирлĕ (ыйтусем тухсан). Вĕрентекен пек хутшăнатăр пулсан — вĕрентекен тесе палăртма ан манăр.

5-мĕш класс ачисен хайлавĕсем. Кăçалхи ăмăртура эпир 6-мĕш класран пуçласа йышăнатпăр. 5-мĕш класс ачисен темиçе хайлавне илтĕмĕр те, йышăнтăмăр та — анчах вĕсен 6-8 класс ачисемпе тупăшма тивĕ.

Тепĕр ыйту: текста çырасси. Мĕнле кăна çырмаççĕ пулĕ... http://comissi.chv.su/node/17 - ак çакăнти сарăма (раскладкăна) усă курса çырнă пулсан тем тери тав сăмахĕ каланă пулăттăмар. Times ET Chuv, Arial Chuv Cyr йышши «чăвашла шрифтсемпе» текст çапма эсир хăнăхса çитнĕ пулĕ те, анчах та ку вăл — кивĕ йĕркеллĕ ĕç. Халĕ çĕнĕлле ĕçлеме хăнăхмалла — сарăм лартмалла та ним хуйхăсăр ĕçлемелле. Уйрăмах «чăвашла шрифтсемпе» çапнă май ытти шрифтсене усă курни йывăрлăх парать. Типографика йĕрки пирки каламастăп та ĕнтĕ... Кунта кам мĕнле пултарать — çапла çапать (тире, дефис, пуш паллине ăçта лартасси — йĕрке сахалрах). Офис программисемпе тĕплĕн ĕçлеме пĕлменни те касать курăнать.

Текстсенчи йăнăшсем... Вĕсене тӳрлетмеллех пулнă ĕнтĕ. Йăнăшсем чылай кайнă темиçе хайлав килчĕ. Пирĕн тӳрлетсе лармалла мар ĕнтĕ вĕсене... Вăхăт иртет-çке.

Вырнаçтарман хайлавсем халĕ пайтах. 10-мĕшччен пурне те вырнаçтарса пĕтерме шутлатпăр. Енчен те вăл кун хыççăн хăвăр хайлава тупаймарăр пулсан — пирĕн пата тепĕр хут ярса парăр. Юпан 25-мĕшĕчченех ярса панă пулсан — халех ярăр, вăл пирĕн пата çитмен. Шел те, çыру илни пирки пĕлтерме вăхăт çукрах.

Ĕнентерӳ хучĕсем пирки: кашнине парăпăр. Малти вырăнсене тухнисене — сертификат. Вĕренӳ институчĕ урлă (вĕсем хирĕç пулмасан) салатма палăртатпăр.