Тăвансемĕр! Сайта уçнăранпа çулталăк иртсе кайрĕ ĕнтĕ. Паян, Чăваш чĕлхи кунĕнче, çак паллă пулăма палăртса хăвармалăх ĕç тунине пĕлтерме те юрать. Виталий Михайловăн чăвашла сайтĕнче регистрациленнисен шучĕ 106 çынна çитрĕ!  Сайта пурĕ 2768  юзер 3693 хут кĕрсе тухнă, вĕсем  27582 страница уçса пăхнă. Çĕр-шывсем тăрăх илес пулсан, паллах, чи малта Раççей юзерĕсем пыраççĕ: вĕсем сайта 3460 хут кĕрсе 26928 страница уçса пăхнă. Иккĕмĕш вырăнта - Латви юзерĕсем, вĕсем 36 хут кĕрсе 91 страница уçса пăхнă. Виççĕмĕш вырăнта - Украина юзерĕсем, вĕсем 19 хут кĕрсе 26 страница уçса пăхма пултарнă. Малалла статистика çапла калать: АПШ (США) - 8(18), Эстони - 6(33), Польша - 6(15), Германи - 5(25), Япони - 5(5), Узбекистан - 4(5), Китай - 4(4), Швеци - 3(5), Казахстан - 3(3), Инди - 3(3), Турци - 2(4), Бельги - 2(4), Беларусь- 2(2), Бразили- 2(2), Итали- 2(2), Голланди - 2(2), Канада -1(2), Хорвати - 1(2), Панама - 1(1). Пурĕ - 23 çĕр-шыв. Апла пулсан сайт ĕçлет, сайт пурăнать. Сайт унта кĕрекенсене усă патăр тесе тăрăшни харама каймарĕ пулас - унти материалсем çынсене кăсăклантараççĕ, усă та параççĕ иккен.

Пурне те Чăваш чĕлхи кунĕ ячĕпе саламлатăп! Чăваш чĕлхи пĕтмест - вăл тĕнчипех янăрать. Малашне те çапла пултăрах! Çак ĕçе эсир те хутшăнма пултаратăр: чăвашла статьясем, текстсем, хыпарсем ярса парăр. Хаваспах йышăнатпăр.

Салампа - админ (mixaj_58@mail.ru)