Конкурса хутшăнма 415 ачаран заявка йышăннăччĕ. Шел пулин те, хальлĕхе вĕсенчен çурри çеç http://www.make-test.ru/ сайта кĕрсе регистрациленнĕ. Пĕр йăнăш тăваççĕ пурте: конкурс шывĕ-йĕркине вуламаççĕ. Конкурс ĕçĕсене пурнăçлама тытăниччен ăна тĕплĕ вуласа тухмалла. Вăл кунта: http://chuvsite.ucoz.ru/news/ulap_2013_vaja_konkurs_puclanat/2013-03-22-592

Аса илтеретпĕр: Вăйă конкурс инçет майпа 2013 çулхи ака уйăхĕн 8-мĕшĕнчен пуçласа ака уйăхĕн 21-мĕшĕччен (00.00 сехетчен) çеç пырать. 

Пĕлме: Красноармейски район администрацийĕн вĕрентÿ пайĕн хушăвĕпе килĕшÿллĕн Красноармейски районĕнчи тата Чăваш Республикинчи шкулсенче 5-11 классенче вĕренекенсем валли «Улăп – 2013: Эпир Улăп йăхĕнчен» уçă тата инçет вăйă конкурс ирттерме йышăннă. Ăна Чăваш чĕлхи кунне тата Раççей халăх артисчĕ, Чăваш тата Дагестан Республикисен искусствăсен тава тивĕçлĕ деятелĕ, паллă чăваш композиторĕ Ф.М.Лукин çуралнăранпа 100 çул çитнине халалланă. Конкурса пуçараканĕсем – В.М.Михайловпа З.П.Михайлова, Пĕтĕмĕшле вăтам пĕлÿ паракан Красноармейски шкулĕн вĕрентекенĕсем.

Вăйă конкурс ертÿçи палăртнă кун конкурса хутшăнакан кашни вĕренекен хăй кăтартнă электрон ещĕкне «Вам поступило приглашение (Портал тестирования "Твой тест")» ятлă çыру, унпа пĕрле тĕрлĕ цифрăсенчен тăракан код илет. Çав кодпа усă курса унăн http://www.make-test.ru сайта "как тестируемый (составитель тестов мар!)" ссылкăпа кĕрсе хăй ÿсĕм ушкăнĕнче регистрациленмелле. Кодсем: Пĕтĕмĕшле код: 1365358043, 5-7 классен: 1365598014, 8-9 классен: 1365598035, 10-11 классен: 1365598061. Çапла майпа çеç вăл хăйне кирлĕ тест страницине лекме пултарать. Анчах та çакна манмалла мар: кашни хутшăнаканăн хăйне килĕшекен Логин тата Пароль шухăшласа кăлармалла, ăна, манса каясран, пĕр-пĕр хут çине çырса хумалла е хăйĕн электрон ещĕкне кĕрсе пăхмалла (регистрациленнĕ хыççăн вăл унта килет). Тата çакна ас тумалла: тест ĕçĕ тÿрех тухмасть, администратор ăна сайта кам кĕнине, вăл заявка панипе паманнине пăхса уйрăммăн лартса парать. Вара тин сайта тепĕр хут кĕрсе ĕçе пурнăçлама пулать.