Республикăри тăван ен культурипе тата кун-çулĕпе
кăсăкланакан ачасем валли хатĕрленĕ «Улăп
– 2013» уçă тата инçет вăйă конкурс шывĕ-йĕрки
1 .Кÿртĕм сăмах
Красноармейски
район администрацийĕн вĕрентÿ пайĕн хушăвĕпе килĕшÿллĕн Красноармейски
районĕнчи тата Чăваш Республикинчи шкулсенче 5-11 классенче вĕренекенсем валли «Улăп – 2013: Эпир Улăп йăхĕнчен» уçă тата инçет вăйă конкурс ирттерме
йышăннă. Ăна Чăваш чĕлхи кунне тата Раççей
халăх артисчĕ, Чăваш тата Дагестан Республикисен искусствăсен тава тивĕçлĕ
деятелĕ, паллă чăваш композиторĕ Ф.М.Лукин çуралнăранпа 100 çул çитнине халалланă.
Конкурса пуçараканĕсем – В.М.Михайловпа З.П.Михайлова, Пĕтĕмĕшле вăтам пĕлÿ
паракан Красноармейски шкулĕн вĕрентекенĕсем.
2. Вăйă конкурсăн тĕллевĕсем
1.Тăван ен
культурипе тата чăваш халăх кун-çулĕпе кăсăкланакан ачасен пĕлÿлĕхĕпе тавра
курăмне малалла аталантарасси;
2.Чăвашлăхшăн тăрăшма
тата тăван Чăваш еншĕн мухтанма, ăна малашне аталантарма пултаракан ачасене тупса
палăртасси, вĕсене хавхалантарасси.
3. Вăйă конкурса хутшăнакансем
Вăйă конкурса
хутшăнакансем – Красноармейски районĕнчи тата Чăваш Республикинчи шкулсенче
5-11 классенче вĕренекенсем. Конкурса Тулай Чăвашри шкул ачисем те ирĕккĕнех хутшăнма
пултараççĕ.
Вăйă конкурса
хутшăнас текенсен http://www.make-test.ru/ сайта кĕрсе регистрациленмелле. Çак вăйă
конкурсăн шывĕ-йĕркипе килÿшÿллĕн пĕр сехет хушшинче 20 ыйтуран тăракан теста
пурнăçламалла. Тест ыйтăвĕсене пĕр хут
çеç хуравлама юрать. 4. Вăйă конкурс йĕрки
Вăйă конкурс
инçет майпа 2013 çулхи ака уйăхĕн 8-мĕшĕнчен пуçласа ака уйăхĕн 21-мĕшĕччен 5-7,
8-9, 10-11 класс ушкăнĕсенче иртет. Вăйă
конкурс ĕçĕнче Ф.М.Лукин композитор пурнăçĕпе тата ĕçĕ-хĕлĕпе çыхăннă ыйтусем
пулаççĕ. Вĕсене http://www.make-test.ru сайтра
вырнаçтараççĕ. Вăйă конкурсăн пĕтĕмлетÿ
протоколне вара http://chuvsite.ucoz.ru сайта ака уйăхĕн
30-мĕшĕнчен кая юлмасăр вырнаçтараççĕ.
Конкурса
хутшăнма кăмăл тунă ачасен вĕрентекенĕсем 2013 çулхи ака уйăхĕн 8-мĕшĕччен Microsoft Exsel калăппа mixaj_58@mail.ru электрон ещĕке ыйтса çырни (заявка) ярса параççĕ.
Унта çакна пĕлтермелле:
1. Хушамат, ят,
ашшĕ ячĕ
2. Шкул ячĕ (чăвашла!)
3. Класс 4. Район 5. Республика
6. Телефон
7. E-mail
8. Вĕрентекен
кам пулни
9. Вĕрентекенĕн
телефон номерĕ
10. Вĕрентекенĕн е-mailĕ
Урăхла калăппа
ыйтса çырнисене йышăнмаççĕ. Заявка тĕслĕхĕ КУНТА. Вăйă конкурс
ертÿçи палăртнă кун конкурса хутшăнакан кашни вĕренекен хăй кăтартнă электрон
ещĕкне
«Вам поступило приглашение (Портал тестирования
"Твой тест")»
ятлă çыру, унпа пĕрле тĕрлĕ цифрăсенчен тăракан код
илет. Çав кодпа усă курса унăн http://www.make-test.ru сайта "как тестируемый (составитель тестов мар!)" ссылкăпа кĕрсе
хăй ÿсĕм ушкăнĕнче регистрациленмелле. Çапла майпа çеç вăл тест страницине
лекме пултарать. Анчах та çакна манмалла мар: кашни хутшăнаканăн хăйне килĕшекен Логин тата Пароль шухăшласа кăлармалла, ăна, манса каясран, пĕр-пĕр хут çине çырса хумалла. Тата çакна ас тумалла: тест ĕçĕ тÿрех тухмасть, администратор ăна сайта кам кĕнине, вăл заявка панипе паманнине пăхса уйрăммăн лартса парать. Вара тин сайта тепĕр хут кĕрсе ĕçе пурнăçлама пулать.
Теста пурнăçлама
пулăшакан инструкци http://chuvsite.ucoz.ru сайтра (кунта - Виталий Михайловăн чăвашла сайтĕнче)
пулать.
5. Вăйă конкурса пĕтĕмлетни
Вăйă конкурса
ирттерме жюри йышне çирĕплетеççĕ.
Çĕнтерÿçĕсемпе мала тухнисен йышне хутшăннисен 25 проценчĕ кĕме
пултарать. Вĕсене пурне те «Улăп – 2013» вăйă конкурсăн виçĕ степеньлĕ
дипломĕпе тивĕçтереççĕ. Дипломĕсене конкурсантăн электрон ещĕкне цифрăласа ярса
параççĕ. Чи пултаруллă ачасен (пĕрремĕш вырăн йышăннă вĕренекенсен) вĕрентекенĕсене
Красноармейски район администрацийĕн вĕрентÿ пайĕн Хисеп хучĕпе чыслаççĕ.
Вĕсене ертÿçĕ-вĕрентекенĕн электрон ещĕкне цифрăласа çитереççĕ. Вырăн йышăннă тата йышăнайман ачасен
сертификачĕсене http://chuvsite.ucoz.ru сайта (Виталий
Михайловăн чăвашла сайтне) вырнаçтараççĕ. Ăна тата ытти Дипломсене те шкулта е
урăх çĕрте тĕрлĕ тĕслĕ принтерпа пичетлемелле, пичет çапса ĕнентермелле. Çыпăçтарнисем: | 
