Тĕп страница » 2010 » Ака » 28 » Учителĕн паха ĕç опытне Пĕтĕм Раççейри учительсен пĕлĕвне тата квалификацине ÿстерекен академийĕ пĕтĕмлетнĕ
Учителĕн паха ĕç опытне Пĕтĕм Раççейри учительсен пĕлĕвне тата квалификацине ÿстерекен академийĕ пĕтĕмлетнĕ
20:17
Красноармейски районĕнчи "Красноармейски иккĕмĕш шкулĕ" пĕтĕмĕшле пĕлÿ паракан муниципаллă вĕрентÿ учрежденийĕнче чăваш чĕлхипе литератури тата тăван ен культури вĕрентекен Михайлов В.М. учителĕн паха ĕç опытне Мускавра - Пĕтĕм Раççейри учительсен пĕлĕвне тата квалификацине ÿстерекен академийĕ пĕтĕмлетнĕ. Унăн ĕç опытĕнчи кăтарту тата дидактика материалĕсене асăннă академин сайтне (инфотекине) вырнаçтарнă, авторне çакна çирĕплетекен сертификат ярса панă.
Сайта вырнаçтарнă материалсен шутне çаксем кĕреççĕ:
"Наци этикипе эстетики" элективлă курс (аслă классенче вĕрентмелли программа).
"Ÿнерçĕ тата Çын" (Чăваш халăх художникĕ, Чăваш патшалăх символĕсен авторĕ Элли Юрьев пурнăçĕпе ĕçĕ-хĕлĕ) уçă урок планĕ.
Чăвашсен ÿнер искусстви" тĕрĕслев ĕçĕ (5 класс валли).
Чăвашсен театр искусстви" тĕрĕслевпе хăнăхтару ĕçĕ (7 класс валли).
