Виталий Михайловăн чăвашла сайчĕ


Чăваш кĕвви

Кĕмелли форма

Категорисем
Шырав
    ЧĂВАШ ЧĔЛХИ ЯЧĔПЕ ПУРТЕ ПĔР ПУЛАР!
Вĕрентÿ хыпарĕсем
Кун тăрăм
«  Авăн 2017  »
ТнЫтЮнКçЭрШмВр
    123
45678910
11121314151617
18192021222324
252627282930
free clock for website часы для сайта
Архив

2016 Çул - кино тата ĕç çынни ÇУЛĔ


Ыйтăм

Хисеплĕ вĕрентекенĕмĕр! Эсир шкулта ĕçлесе илнĕ тупăшăрпа çăмăл машина туянма пултарятăр-и?
Пурĕ миçе ответ: 24
Чат

Сайт тусĕсем
  • Сайт ту
  • Пĕтĕмпех веб-маçтăр валли
  • Пурне те кирлĕ программăсем
  • Санкт-Петербург чăвашĕсен сайчĕ
  • Рунетри чи лайăх сайтсем
  • Кулинари рецепчĕсем
  • Раççей уявĕсен календарĕ
  • Чăваш наци радиовĕ
  • ЧĂВАШ ЭСТРАДИН ФАН-КЛУБĔ
  • Чăваш эстрада юррисем
  • Виталий Михайловăн шкул сайчĕ
  • Чăваш чĕлхи вĕрентекенĕн музейĕ
  • Вĕрентекенсен порталĕ
  • Виртуаллă вĕренÿ пÿлĕмĕ
  • Калиниград чăвашĕсен сайчĕ
  • Самар чăвашĕсен сайчĕ
  • Красноярск чăвашĕсен сайчĕ
  • Раççей шкулĕсем

  • Чăваш ен телерадиокомпани
    Трак Ен сайчĕ
    Нестер Янкас пĕрлĕх сайчĕ
    Чăваш ачисем валли
    Тутар чăвашĕсен хаçачĕ
    "Кăмăл" веренÿ пĕрлешĕвĕ
    Чăваш халăх сайчĕ
    Красноармейски район сайчĕ


    GanGstA
    Статистика



    Паян çак сайтра пулнă юзерсем:
    Праздники России
    Çанталăк
    Красноармейски ялĕ
    rp5.ru

    noscript>>

    Виталий Михайлов

    Раççей символики
              Чăваш патшалăх ялавĕ

    Хапăл тăватăр-и,       ырă тăванăмăрсем! Эпĕ ялан хавас Сире курмашкăн хамăн сайтра

    Тунтикун, 25.09.2017, 12:37
    Нестĕр Янкас ячĕллĕ пĕрлĕх хыпарĕсем

    Чăваш чĕлхи. Электронлă пособи
    Тĕп страница » 2017 » Авăн » 16 » Чăваш Ен паллă ăсчах, синологи наукин никĕслевçи Никита Яковлевич Бичурин çуралнăранпа 240 çул çитнине анлă уявларĕ
    Чăваш Ен паллă ăсчах, синологи наукин никĕслевçи Никита Яковлевич Бичурин çуралнăранпа 240 çул çитнине анлă уявларĕ
    19:29
    Материал сăн ÿкерчĕкĕ

    Авăн уйăхĕн 8-мĕшĕнче И.Я.Яковлев ячĕллĕ чăваш патшалăх педагогика университетĕнче çак ятпа наукăпа практика конференцийĕ иртрĕ. Унта Чăваш ен, Мускав, Тутарстан, Тюмень тăрăхĕнчен килнĕ ăсчахсемпе таврапĕлÿçĕсем, аспирантсемпе студентсем, общество деятелĕсем хутшăнчĕç.

    Мероприятине Уралпа Çĕпĕр тăрăхĕнчи чăваш пĕрлĕхĕсен Канашĕн председателĕ Владимир Логиновпа Тюмень тăрăхĕнчи чăвашсен «Тăван» ассоциацийĕн президенчĕ Ираида Маслова та çитрĕç. Каласа хăвармалла, вĕсем тăрăшнипе Тюмень тăрăхĕнче Никита Бичурин (Иакинф) ячĕпе кăçалхипе вуннăмĕш хут тĕнче шайĕнчи «Бичурин вулавĕсем» иртеççĕ.

    Конференцие пуçтарăннисене малтанах университетăн ректорĕ Владимир Иванов, Чăваш Республикин культура, национальнăçсен ĕçĕсен тата архив ĕçĕн министрĕн çумĕ Вячеслав Оринов, Патшалăх Канашĕн наци ыйтăвĕсемпе ĕçлекен комитечĕн председателĕ Вячеслав Рафинов саламларĕç, тухăçлă ĕçлеме сунчĕç.

    Анлă докладсемпе Мускаври наука академийĕнче ĕçлекен философи наукисен докторĕ Владимир Миронов профессор, И.Я.Яковлев ячĕллĕ чăваш патшалăх педагогика университечĕн профессорĕ Валерий Григорьев, Кÿкеçри «Бичурин тата хальхи самана» музей директорĕ Ирина Удалова тухса калаçрĕç. Пурте вĕсем Никита Бичурин Раççей наукине аталанма, инçет Хĕвел анăç культурине тĕпчеме сумлă витĕм кÿнине, чăваш халăхĕн хăйĕн мухтавлă ывăлĕпе тивĕçлипех мухтанмаллине каларĕç.

    Çав кунах Кÿкеçри «Бичурин тата хальхи самана» музейра Бичурин вулавĕсем иртрĕç.

    Каласа хăвармалла, юлашки вăхăтра пирĕн паллă ентешĕмĕрĕн ĕçĕ-хĕлĕпе паллаштарассипе, унăн пĕлтерĕшне тивĕçлĕн халăх патне çитерессипе ку музей вышкайсăр пысăк ĕç тăвать.

    Вулава пухăннисене Шупашкар район администрацийĕн пуçлăхĕн тивĕçĕсене пурнăçлакан Владимир Дмитриев саламларĕ. Вăл уява хутшăнакансене пирĕн ентеш Никита Бичурин тĕнчери наука аталанăвне пысăк витĕм кÿнине манмалла маррине, унăн ятне çÿллĕ шайра тытмаллине каларĕ.

    Урал федераллă округĕнчи чăваш наци автономийĕсен Канашĕн председателĕ Владимир Логинов Тюмень тăрăхĕнче кашни çул Бичурин вулавĕсем çÿллĕ шайра иртни çинчен каласа пачĕ, паллă ăсчахăн эткерлĕхне пурте пĕрле тачă çыхăнса тĕпчеме чĕнсе каларĕ.

    Бичурин вулавĕсене Мускавран килнĕ философи наукисен кандидачĕ, Китай культурине тĕпчекен центрăн наука сотрудникĕ Алексей Ионов та хутшăнчĕ. Вăл музея китай чĕлхине вĕренмелли кĕнекесем парнелерĕ.

    Н.Я.Бичурин ячĕллĕ наука академийĕн филиалĕн аслă сотрудникĕ Борис Каховский доцент чăваш халăхĕн историне малалла тĕпчес ыйтусене хускатрĕ, пирĕн историксем паллă ăсчах Никита Бичурин эткерлĕхне уçассипе тунă çитĕнÿсемпе паллаштарчĕ.

    Хăйсен тĕпчев ĕçĕсемпе тухса калаçакансем хушшинче вĕрентекенсем, вулавăшсенче ĕçлекенсем, таврапĕлÿçĕсем тата студентсемпе шкул ачисем пулчĕç.

    - Йывăрлăхсене парăнтарса, пуç усмасăр ĕçлесе Никита Бичурин хăйĕн ятне-шывне кăна мар, чăваш халăхне мухтава кăларчĕ,- терĕ Валерий Григорьев профессор Кÿкеçри музейра иртнĕ Бичурин вулавĕсене пĕтĕмлетнĕ май.

    Авăн уйăхĕн 9-мĕшĕнче паллă ăсчаха асăнса иртекен мероприятисем Кÿкеç культура çуртне куçрĕç.

    Кунта 19-мĕш ĕмĕр пуçламăшĕнче ĕçлесе пурăннă, тĕнче шайĕнче чапа тухнă ăсчахăн çуралнă кунне уявлама килнĕ Мускав, Тюмень ăсчахĕсем, Чăваш Енри наука ĕçченĕсем, культура, общество хастарĕсем тата вĕренекенсем пуçтарăнчĕç.

    Мероприятине Шупашкар районĕн администрацийĕн культура, туризм тата социаллă аталану пайĕн пуçлăхĕ Маргарита Павлова уçса ертсе пычĕ.

    Шупашкар район тăрăхĕнче çут тĕнчене килнĕ ученый пурнăçĕ, ĕçĕ-хĕлĕ, вышкайсăр эткерлĕхĕ çинчен пухăннисене Мускав хăнисем Владимир Миронов профессорпа Алексей Ионов наука сотрудникĕ каласа пачĕç.

    Чăваш Республикинчи Валерий Григорьев, Владимир Иванов, Николай Егоров профессор - ăсчахсем, наука сотрудникĕ Елена Сухова тата ытти сумлă çынсем чăваш халăхĕн мухтавлă ывăлĕн Никита Яковлевич Бичуринăн тĕнче шайĕнче тунă пархатарлă ĕçĕсем çинчен каласа пачĕç.

    Уявра Китай чĕлхине вĕрентекенсен Ассоциацийĕн президенчĕ Сунь Сяовей китай халăхĕнчен салам сăмахĕ каларĕ, паллă ăсчахăн сумлă ячĕ Китайпа Раççей хушшинчи çыхăнусене тата та çирĕплетнине асăнчĕ.

    ЧНК президенчĕн Николай Угасловăн салам сăмахне уява пуçтарăннисем патне пресс-служба ертÿçи Зоя Яковлева илсе çитерчĕ, Н.Бичурин ăсчахăн эткерлĕхне регионсенчи чăвашсем еплерех аталантарни пирки каласа пачĕ.

    Мероприяти хыççăн уява килнĕ сумлă хăнасем паллă ăсчах çуралнă Типнер ялне çитрĕç, асăну чулĕ çине чĕрĕ чечексем хучĕç. Вĕсене вырăнти «Шĕнер» фольклор ушкăнĕ илемлĕ юрăсемпе кĕтсе илчĕ.

    Малалла делегаци Сĕнтĕрвăрри районне çул тытрĕ. Никита Яковлевич ку тăрăхри Шĕнерпуç ялĕнче çитĕнсе çын пулнă, кунтанах Хусанти семинарине вĕренме кайнă. Шĕнерпуç ял тăрăхĕн администрацийĕ тата ял халăхĕ хăнасене тарават кĕтсе илчĕ. Никита Бичурин ачалăхĕпе çыхăннă кăсăклă самантсем çинчен истори вĕрентекен Эльвира Иванова каласа пачĕ. Хăнасем кунти асăну палăкĕ умне те чĕрĕ чечексем хучĕç. Унтан вĕсем шкулта йĕркеленĕ краеведени музейĕпе, çĕнĕрен хăпартнă чиркÿпе паллашрĕç.

    Сĕнтĕрвăрри районĕн администрацийĕ сумлă делегацине Сĕнтĕрвăрри хулине те йыхравларĕ, унти паллă вырăнсемпе, краеведени музейĕнчи экспонатсемпе паллаштарчĕ.

     ЧНК пресс-службин ертÿçи Зоя Яковлева.

    Çыпăçтарнисем:
    Категори: | Миçе çын пăхнă: 243 | Кам хушнă: mixaj_58 | Тегисем: | Рейтинг: 5.0/1 |
    Пĕтĕмпе миçе комментари: 0


    Copyright © Аксар Чунтупай Cайт тăваканни: Михайлов Алексей (alex-net)