Кăрлач уйăхĕн 17-мĕшĕнче Чăваш наци библиотекин "Чăваш кĕнеки" вулав пÿлĕмĕнче пирĕн сумлă ентешĕн тата Чăваш халăх поэчĕн Юрий Сементерĕн поэзи каçĕ иртрĕ. Унта Вĕренÿ институтĕнче пĕлĕвне ÿстерекен чăваш чĕлхи учителĕсем (çав шутра çак йĕркесен авторĕ те), Чăваш ялхуçалăх академийĕн студенчĕсем, Шупашкарти ентешлĕх тата тĕрлĕ ÿнер çыннисем хутшăнчĕç. 
Уяв каçĕнче сăвăçă хăй сăввисене вуласа пачĕ. Пĕрремĕш сăвва вара вăл шкулта чăваш чĕлхи вĕрентекенсене халалларĕ. Ун хыççăнхи сăввине - хăйшĕн пурнăç тĕслĕхĕ пулса тăнă Петĕр Хусанкая. Хусанкайпа чи малтан тата ĕçе пула тĕл пулнă самантсене те аса илчĕ поэт.
Кунсăр пуçне çыравçă Филипп Лукинпа килĕштерсе ĕçлени, унпа пĕрле халăхра анлă сарăлнă юрăсем çырни çинчен каласа кăтартрĕ. Уйрăмах "Уçланкăри палан" юрă кун-çулĕ çинчен каласа пани кăсăклă пулчĕ пухăннисене.
Наци вулавăшĕн ĕçченĕсем поэзи каçĕ тĕлне пысăк п ... Малалла вула »

2013-мĕш çулхи нарăс уйăхĕн 21−22-мĕшĕсенче Чăваш Республикин вĕренÿ институтĕн чăваш филологийĕпе этнокультура вĕренĕвĕн кафедрипе лабораторийĕ чăваш чĕлхипе литературине вĕрентекенсен «Уçă урок» пĕрремĕш фестивальне ирттерет.
Фестиваль пĕтĕмĕшле тĕп (вăтам) тата професси паракан вĕренÿ учрежденийĕсен тăван чĕлхепе литература учителĕсен квалификацине ÿстермелли традицие кĕмен мелĕ пулса тăрать.
Фестиваль тĕллевсем: педагогикăри тата методикăри çĕнĕ (тухăçлă) мелсемпе тата меслетсемпе ĕçлекен учительсене тупса палăртасси; ик чĕлхелĕх е тĕрлĕ халăх культури хушшинчи çыхăну концепцине тĕпе хурса творчествăллă тата пултаруллă ĕçлекен учительсене суйласа илесси. Тĕплĕнрех фестиваль положенийĕпе chrio.cap.ru адреспа кĕрсе паллашма пулать.

http://gov.cap.ru/list4/news/rec.aspx?gov_id=13&link=&preurl=.&FKey=F_JURL_ID&id=1565428