"Мĕн кăна курмарăм ку пурнăçра”, терĕ пĕррехинче атте. Ун чухне вăл тăхăр вунă çул урлă каçнăччĕ. "Ачалăхăм ят çĕрĕ çинче тертленсех иртрĕ. Каярахпа колхоза кĕрсе ушкăнпа ĕçлесе пăхрăмăр. Совхоз хуçалăхĕнче те ĕçлеме тиврĕ. Халĕ тата, ватлăхăм çитсен, хуçалăхсене аркатса çынсене çĕр пайĕсемпе тивĕçтерчĕç. Ĕлĕкхи патне каялла таврăнтăмăр пулас ĕнтĕ”, — тесе вĕçлерĕ хăйĕн сăмахне. 
"Ят çĕрĕ çинченех калаçар-ха”, тетĕп аттене. "Миçе ят çĕрĕ пулнă пирĕн, хăш вырăнта вырнаçнă тата мĕнле лаптăк çĕре йышăннă?” — пĕтĕмпех пĕлес килчĕ манăн. 
"Паян кунчченех ман ĕнсе çинче ларать вăл”, — тесе сăмахне малалла тăсрĕ атте. 
Ашшĕнчен вунă çултах тăлăха юлнăскерĕн, пайтах нуша курма тивнĕ пуль çав. 
Вăл каланинчен çакна ăнлантăм эпĕ. Кашни ялăн хăйĕн сухаланакан çĕрсен лаптăкĕ пулнă. Вулăс управленийĕн мишавайĕ унăн чиккисене çирĕп тĕрĕслесе тăнă. Ят çĕрĕпе арçынсене кăна тивĕçтернĕ. Сухалакан çĕрсен лаптăкне ялти арçынсен хисепĕ çине пайласа ят çĕрĕн калăпăшне палăртнă. Сухаланакан çĕрсен лаптăкĕ те, арçынсен хисепĕ те тĕрлĕрен пулнăран кашни ялăн ят çĕрĕсен пысăкăшĕ те тĕрлĕрен пулнă. Пĕр ят çĕрĕпе усă курнă иккен пирĕн хуçалăх. Унăн калăпăш ... Малалла вула »

Май уявĕсенче Раççей çыннисем ытларах канма пултараççĕ. 
Кун пирки тăрăшса Владимир Путин премьер-министр Правительство постановленине йышăннă. "Çĕр участокĕсемпе пахчасенче ĕçлеме канмалли кунсем ытларах пулччăр тесе, майăн 5-мĕшĕнчи, шăмат кунхи канмалли куна тунти куна, майăн 7-мĕшне, майăн 12-мĕшĕнчи, шăмат кунхи канмалли куна ытлари куна, майăн 8-мĕшне куçарма сĕнеççĕ”, — тенĕ вăл. 
Çапла вара эпир апрелĕн 29 — майăн 1-мĕшĕсенче тата майăн 6—9-мĕшĕсенче канăпăр.

Пилĕк çул хушши ĕнтĕ Чăваш чĕлхи кунне халалласа Трак ен - Красноармейски тăрăхĕнче тăван чĕлхепе литература вĕрентекен педагогсен творчествăлла ушкăнĕ йĕркеленипе (ертÿçи – Михайлова З.П.) чăваш чĕлхипе грамматикине лайăх пĕлекен ачасем хушшинче «Çамрăк ăсчах» вăйă-конкурс иртрĕ.  Унăн юлашки тапхăрне республикăмăрти районсем хушшинче ирттернĕччĕ.

Кăçал вара ун вырăнне çĕнĕ вăйă конкурс ирттерме тĕв тытрĕç Трак енри учительсем. "Улăп-2012: Эпир Улăп йăхĕнчен!" ятпа иртĕ вăл. Конкурс малтанхи пекех инçет майпа Интернет уçлăхĕ урлă йĕркеленĕ. Унта чăваш халăх историне тата культурине лайăх пĕлекен ачасем хутшăнĕç. Ăмăрту 5-7, 8-9 тата 10-11 классенче вĕренекенсем хушшинче иртĕ. 

Вăйă конкурс пĕр турпа http://www.make-test.ru/ сайтра иртет. Вăйă конкурс çĕнтерÿçисемпе мала тухнисем  "Улăп-2012" вăйă конкурсăн электронлă Дипломне çĕнсе илĕç. Çĕнтерÿçĕсене хатĕрленĕ вĕрентекенсем Красноармейски район администрацийĕн вĕрентÿ пайĕн Хисеп хутне тивĕçĕç. 

Вăйă конкурса хутшăннăшăн укçа тÿлеме кирлĕ мар.

... Малалла вула »