Чăваш Правительствин çĕнĕ пуçлăх — Иван Моторин. Унăн кандидатурине паян, республика Элтепĕрĕ сĕннипе, Патшалăх Канашĕ сӳтсе явса çирĕплетрĕ.
Иван Моторин 2006-мĕш çултанпа республикăн экономика аталанăвĕн министрĕнче ĕçлет, Чăваш Ен пурнăçне лайăх пĕлет. Патшалăх Канашĕн сессийĕччен Моторин парламентри кашни фракцинче тĕлпулусем ирттернĕ, депутатсен ыйтăвĕсене хуравланă. Унăн кандидатури пурне те çырлахтарнă. Çавăнпа паян ăна Министрсен Кабинечĕн ертӳçи пулма çăмăллăнах çирĕплетрĕç. Федераци Канашĕн пайташне суйланă чухне вара тавлашусăр пулмарĕ. Юрий Попов спикер Раççей Федерацийĕн саккунсем кăларакан органĕн çӳлти палатинче Чăваш Паташалăх Канашĕн представителĕ пулма Леонид Лебедева сĕнчĕ. Сенаторта вăл 8 çул ĕçленĕ. Депутатсем, уйрăмах оппозицире тăракансем, çак тапхăрта Лебедев республикăшăн мĕнле усăллă ĕç тунине пĕлесшĕн пулчĕç. Темле хуравласан та, вĕсене тивĕçтерме йывăр пулчĕ, çавăнпа Леонид Лебедевăн трибуна умĕнче чылайччен тăма тиврĕ. Юлашкинчен çапах ăна Федераци Канашĕн членĕ пулма çирĕплетрĕç.

аштавăн 19-мĕшĕнче К.В. Иванов ячĕллĕ Чăваш патшалăх академи драма театрĕнче Чăваш халăх поэчĕ Ухсай Яккăвĕ çуралнăранпа 100 çул çитнине халалланă савăнăçлă каç иртрĕ. Телее, Ухсай Яккăвĕн ячĕ пирĕншĕн ют мар. Шкул ачисен программинче те пур унăн ĕçĕсем, яш-кĕрĕм çепĕç лирикине килĕштерет, аслă ăру валли — чăвашлăхпа, тăванлăхпа тулнă вун-вун сăвă, поэма, роман. Драматургире, критикăпа публицистикăра нумай тăрăшнă. Ун ячĕ вилĕмсĕр Константин Ивановпа, Çеçпĕл Мишшипе, Петĕр Хусанкайпа, ыттипе юнашар. Эпир ăна вулатпăр, пĕлетпĕр, хисеплетпĕр, çапах та сăмах ăстин поэзи «тарăнлăхне» уçса çитереймен-ха, ун пирки каламалли, ăна тĕпчемелли пайтах.
Халăх поэчĕ ячĕпе йĕркеленĕ каçра та, ăна ЧР культура министрĕ Роза Лизакова ертсе пычĕ, çак шухăша палăртрĕç. Роза Михайловна хăйĕн сăмахĕнче Ухсай Яккăвĕн ятне çĕклес, çитес ăрусем валли упраса хăварас тĕлĕшпе юбилей çулĕнче тунă ĕçсем пирки чарăнса тăчĕ. Ку енĕпе ЧР Президенчĕн Хушăвне пурнăçласа чылай мероприяти ирттернĕ: конференцисемпе куравсем, «çавра сĕтелсем», уçă уроксем... Çак кунсенче вара поэтăн произведенийĕсен пуххи — «Самана» ятпа — кун çути курнă. Ухсай Яккăвĕн юбилейне унăн тăван кĕтесĕнче — Пушкăртстан ... Малалла вула »