5-мĕш Интернет педканаш чăваш чĕлхипе литературине вĕрентекенсене йыхравлать. Вăл авăнăн 5-мĕшĕнче ĕçлеме пуçлать те юпа уйăхĕн 2-мĕшĕччен пырать. Яланхи пекех чăваш чĕлхипе литературине, культурине вĕрентекенсем интернетри канашлăва http://pkanash.chv.su каçăпа кĕрсе хутшăнма пултараççĕ.
Вĕрентекенсен интертĕтел форумне çулсерен 150 çынна яхăн хутшăнать. Вуншар тĕрлĕ ыйту хускатаççĕ ун ĕçне явăçнă чăваш чĕлхипе литературине вĕрентекенсем: кăтарту хатĕрĕсемпе усă курасси, электрон пособисем, вырăс шкулĕсенче чăваш чĕлхине вĕрентесси, литература урокĕсене йĕркелесси, ĕç планĕсем çырасси тата ытти нумай ыйтусем тавра пырать уçă калаçу.

Çăлкуç: http://www.chuvash.org/news/1656.html

Раççей Федерацийĕн Президенчĕ Дмитрий Медведев сĕннипе Михаил Игнатьев Чăваш Республикин Президенчĕн должноçĕнче ĕçлеме пуçланăранпа ĕнер пĕр çулталăк çитрĕ. «Хыпар» Издательство çурчĕн директорĕн-тĕп редакторĕн Алексей Леонтьевăн тата «Хыпар» журналисчĕсен ыйтăвĕсен хуравĕсем - Президент ĕçĕн малтанхи пĕтĕмлетĕвĕ.

«Президент постĕнчи манăн тĕп тĕллев тăнăçлăха çирĕплетесси, социаллă пурнăçпа экономика аталанăвĕн динамикине упраса хăварасси, пурнăç шайне лайăхлатасси пулĕ.
Регион аталанăвĕн тĕп çул-йĕрне çĕнĕ идейăсем илсе килмелле, хамăрăн вăй-хала памалла. Умра - малашлăхлă проектсене пурнăçласси, инноваци таварĕсене кăларасси, вĕсем республикăн конкуренци шайне татах çĕклĕç. Паянхи пурнăçăн чĕнĕвне вăхăтра асăрхамалла, экономикăри пушă вырăнсене çийĕнчех йышăнмалла, çĕнĕ производствăсем уçмалла, предприятисем йĕркелемелле, хăватлă технологисене ĕçе кĕртмелле. Çаксем пĕтĕмпех çĕнĕ ĕç вырăнĕсем тума, бюджетăн тупăш пайне ÿстерме, республикăри кашни çыннăн пурнăç шайне лайăхлатма, урăхла каласан - яланах тĕп тата пĕлтерĕшлĕ ыйтăва татса пама пулăшĕç. Çакă - влаç тивĕçĕ. Çакăнта хамăн тĕллеве, хамăн тивĕçе куратăп».

М.В.Игнатьев Президент инауг ... Малалла вула »

«Трактор завочĕсем» концерн пысăк /паян унта 16 завод/, эпĕ унăн ертÿçипе Михаил Болотинпа тăтăшах тĕл пулатăп, вăл мана ял çыннисем валли кăларакан тĕрлĕ техника ассортименчĕ пуянланса, анлăланса пырасса шантарать. Ку çаплах пуласси мана иккĕлентермест.

- Каллех техника пирки. Оппозици хаçачĕсенчен пĕринче республикăри комбайн-трактор шутне 1991 çулхипе танлаштарса кăтартнă. Анчах ун чухнехипе хальхи техникăна танлаштараймăн, çакна эпĕ те - виçĕ çул комбайнер пулăшуçире ĕçленĕскер - чухлатăп. Çапах та - ял хуçалăхне паян техника мĕн чухлĕ кирлĕ?

- Паянхи кун техникăна улăштарса, çĕнетсе пырасси патшалăх шайĕнче - приоритетлă политика. Мĕншĕн тесен ĕлĕкхи кивĕ комбайнсемпе ĕçленĕ чухне ял хуçалăхĕнче тăкак нумай. Ку - пĕрремĕшĕ. Иккĕмĕшĕ - кăткăс машинăсен механизаторне вĕренмешкĕн паянхи кун ансатах мар. Çавна шута хурса патшалăх енчен укçа-тенкĕ уйăратпăр, тĕслĕхрен, çăмăллăх кредитсем илмешкĕн. Çавăнпа ял хуçалăх предприятийĕсем кăçал комбайнсем туянма палăртнă тĕллевсем пурнăçланчĕç тесе калăттăм. Çĕнĕ комбайнсем хирте еплерех ĕçленине, комбайнерсен савăк кăмăлне курсан чăннипех хĕпĕртетĕп. Мĕнле хăвăртлăхпа ĕçленинчен, ĕç тухăçлăхĕнчен шалу, ... Малалла вула »