Çĕртмен 20-мĕшĕнче (вырсарникун) Чăваш тетел хастарĕсен иккĕмĕш пухăвне ирттерме палăртнă!

Йăлăм енче (Атăл леш енче) вырнаçнă «Чувашия» санатори çумĕнче скульптурăсен ансамблĕ патĕнче пухăнма шут тытса! 

Унта транспортпа мĕнле çитмеллине кам пĕлет — пĕлтерĕр тархасшăн, вара вăхăтне çирĕплетĕпĕр.

Калаçу чăваш тетелне аталантарасси пирки, ача-пăча хайлавĕсен кĕнекине кăларасси пирки, çитсе пыракан мероприятисем пирки (çуллахи лагерь, 2010 çулхи чунçӳрев, Республика кунĕ), тетелçĕсен организацине йĕркелесси пирки пулĕ.

Çанталăка пăхсан, çумăрлă пулать тет, 23-27 градус ăшă. Чăрмав кӳмелле мар. Кам килес тет — пурне те йыхравлатпăр!

Çăлкуç: http://forum.chuvash.org/cgi-bin/ikonboard.cgi?act=ST;f=11;t=2800;st=0;r=1;&#entry81868