Нарăсăн 3-мĕшĕнче Чăваш Республикин Вĕренÿ институчĕн чăваш чĕлхипе литератури кафедри йĕркеленипе "10-11 классен чăваш литератури учебникĕсемпе хрестоматийĕсем" темăпа çавра сĕтел иртрĕ. Çавра сĕтел тĕллевĕ - авторсене учебникпа хрестоматисен çĕнĕ кăларăмĕ валли сĕнÿ парасси. Калаçăва кашни районтанах килнĕ вĕрентекенсем хутшăнчĕç. Форума Чăваш Республикинчи тăван чĕлхе вĕрентекенĕсен ассоциацийĕн ертÿçи Г.Л.Никифоров уçрĕ. Чи малтанах 10-мĕш класăн вĕренÿ кĕнекин авторĕ В.Г.Родионов профессор тата 11-мĕш класс вĕренÿ кĕнекин авторĕ Г.И.Федоров профессор сăмах илчĕç, çĕнĕ кĕнекесен тытăмĕ çинчен каласа пачĕç. Чăваш Республикин Вĕрентÿ министерствин тĕп специалисчĕ И.В.Ядранская, Вĕренÿ институчĕн чăваш чĕлхипе литератури кафедрин пуçлăхĕ Ю.М.Виноградов, Чăваш наци лицейĕн вĕрентекенĕ Г.Л.Никифоров, Шупашкар районĕнчи Кăшавăш шкулĕн вĕрентекенĕ Е.А.Майков, Тăвай районĕнчи Йăлтăрчă шкулĕн вĕрентекенĕ Г.П.Васильева, Красноармейски районĕнчи Трак чăвашла-нимĕçле гимнази вĕрентекенĕ И.Н.Антонова, Пикшик шкулĕн вĕрентекенĕ Л.А.Тихонова тата ытти тухса калаçакансем ку чухнехи вĕренÿ кĕнекисен тытăмĕпе содержанине тишкерчĕç, вĕсен çитменлĕхĕсене палăртрĕç. Кунсăр пуçн ... Малалла вула »

Нарăс уйăхĕн 3-мĕшĕнче Шупашкарти 27-мĕш шкулта чăваш чĕлхине вырăс класĕнче вĕрентекенсен республикăри семинарĕн 2-мĕш тапхăрĕ  иртрĕ. Унăн пĕтĕмĕшле теми: "Тăван чĕлхене вĕрентессипе тата сарассипе çыхăннă çĕнĕ меслетсем". Иккĕмĕш лару "Шкулта чăваш чĕлхине вĕрентес ĕçри электронлă хатĕрсем" темăпа иртрĕ. Семинара йĕркелекенсем - хулари 27-мĕш шкулпа "Язык успеха" ("Ăнăçу чĕлхи") ют çĕр-шыв чĕлхисен шкулĕ. Семинара Красноармейски районĕнчи учительсен пĕр ушканĕ те хутшăнчĕ. Вĕсем - салари 2-мĕш шкулта чăваш чĕлхипе литератури вĕрентекенсем З.П.Михайловăпа В.М.Михайлов, Трак чăвашла-нимĕçле гимнази вĕрентекенĕ И.Н.Антонова тата Пикшик шкулĕн вĕрентекенĕ Л.А.Тихонова.